«2018 جىلى سىرتقى ساۋدا اينالىمى 2 ملرد. اقش دوللارىن قۇرادى, ال اعىمداعى جىلدىڭ قاڭتار-مامىر ايلارىندا تاۋار اينالىمى 1,3 ملرد. اقش دوللارىن قۇرادى, وسىلايشا, ءبىز ەكى ەلدىڭ اراسىنداعى ساۋدا قاتىناستارىنىڭ وسكەنىن كورىپ وتىرمىز, بۇگىنگى شارا ەكى ەلدىڭ ىسكەر توپتارى اراسىنداعى ساۋدا قارىم-قاتىناستارىن دامىتۋعا ءوز ۇلەسىن قوساتىنىنا سەنىمدىمىن», دەپ حابارلادى قر يدم جاۋاپتى حاتشىسى مەرەكە پىشەمباەۆ.
ونىڭ مالىمەتىنشە, قازاقستان تۇركياعا اۋىل شارۋاشىلىعى, ەت ونىمدەرى, مەتالل جانە مەتالل بۇيىمدارىن, حيميا ونەركاسىبى ونىمدەرىن, ماشينالار مەن جابدىقتاردى, دارىلىك زاتتار, ازىق-ت ۇلىك ونىمدەرى جانە ت. ب. سياقتى اسا پەرسپەكتيۆالى 47 تاۋار پوزيتسياسى بويىنشا تاۋار جەتكىزۋدى جۇزەگە اسىرۋعا دايىن.
ء«بىزدىڭ ەلدەرىمىز اراسىندا ينۆەستيتسيالىق ىنتىماقتاستىق بەلسەندى تۇردە دامۋدا, سوڭعى 14 جىلدا تۇرىك ينۆەستورلارىنىڭ قازاقستان ەكونوميكاسىنا قۇيعان ينۆەستيتسياسى شامامەن 3 ملرد. اقش دوللارىنا جەتتى, تۇرىك ەكونوميكاسىنا قۇيىلعان قازاقستاندىق ينۆەستيتسيالار 1 ملرد. اقش دوللارىن قۇرادى. ءبىزدىڭ ەلدەرىمىزدىڭ ەكسپورتتىق الەۋەتىن بارىنشا پايدالانا وتىرىپ, بۇل وڭ ءۇردىستى قولداۋ قاجەت. بۇل باعىتتا ىنتىماقتاستىقتى دامىتۋ ءۇشىن بار جاعداي جاسالعان», دەپ اتاپ ءوتتى مەرەكە پىشەمباەۆ.
جاۋاپتى حاتشى قويىلعان مىندەتتەردى ىسكە اسىرۋ ءۇشىن بارلىق قاجەتتى بازاسى, سونداي-اق ەكىجاقتى ىنتىماقتاستىقتى نىعايتۋدىڭ بارلىق قاجەتتى تەتىكتەرى قۇرىلعانىن اتاپ ءوتتى.
«بىرىنشىدەن, كەڭ اۋقىمدى ماسەلەلەر بويىنشا ءوزارا ءىس-قيمىلدى نىعايتۋدىڭ ماڭىزدى قۇرالى - ساۋدا-ەكونوميكالىق ىنتىماقتاستىق جونىندەگى قازاق-تۇرىك ۇكىمەتارالىق كوميسسياسى بولىپ تابىلادى. ەكىنشىدەن, باۋىرلاس ەلدەر اراسىنداعى ستراتەگيالىق ارىپتەستىكتى دامىتۋعا ءبىزدىڭ مەملەكەت باسشىلارىنىڭ قامقورلىعىمەن جۇزەگە اسىرىلاتىن «جاڭا سينەرگيا» باعدارلاماسىن ىسكە اسىرۋ ەرەكشە سەرپىن بەردى», دەپ اتاپ ءوتتى جاۋاپتى حاتشى.
بۇگىنگى تاڭدا قازاقستاندا 1300-دەن استام بىرلەسكەن كاسىپورىن بەلسەندى جۇمىس ىستەۋدە.
«سونىمەن قاتار ءبىز قازاقستاننىڭ ينفراقۇرىلىمىن دامىتۋداعى تۇركيانىڭ ءرولىن جوعارى باعالايمىز. تۇرىك كومپانيالارى ءبىزدىڭ ەلوردامىزدىڭ قۇرىلىسىنا بەلسەندى قاتىستى, حان شاتىر, ۇلتتىق مۇراجاي, جاڭا تەمىرجول ۆوكزالى سياقتى جالپى سوماسى 23 ملرد. اقش دوللارىن قۇرايتىن ءىرى ماڭىزدى جوبالاردى ىسكە اسىردى. تۇرىك كومپانيالارىنىڭ كومەگىمەن قازاقستاندا 800 شاقىرىمنان استام اۆتوجول قايتا جاڭارتىلىپ, 100 كيلومەتر قايتا جاڭارتىلۋدا», دەدى مەرەكە پىشەمباەۆ.
بۇگىنگى تاڭدا تۇرىك كومپانيالارىنىڭ قاتىسۋىمەن 1,3 ملرد. اقش دوللارىن قۇرايتىن ۇلكەن الماتى اينالما كولىك جولىنىڭ (ۇااكج) قۇرىلىسى بويىنشا ءىرى ينفراقۇرىلىمدىق جوبا ىسكە اسىرىلۋدا.
«سونىمەن قاتار, تۇركىستان وبلىسىندا ينفراقۇرىلىمدىق جوبالاردى جۇزەگە اسىرۋ بويىنشا YDA-Holding كومپانياسىنىڭ جۇرگىزىپ وتىرعان جۇمىسىن اتاپ وتكىم كەلەدى. ۇشىنشىدەن, قازاقستان اۋماعى ارقىلى تۇركياعا جۇكتەردى ءتيىمدى تاسىمالداۋ ءۇشىن بارلىق قاجەتتى ينفراقۇرىلىم قۇرىلدى. باكۋ-تبيليسي-كارس تەمىر جول جەلىسىن جەكە ىسكە قوسۋ, سونداي-اق ترانسكاسپي حالىقارالىق كولىك مارشرۋتىن ىسكە اسىرۋ ەلدەر اراسىنداعى تاسىمالداردى جانە ترانزيتتىك تاسىمالداردى ەداۋىر ارتتىرۋعا مۇمكىندىك بەردى. بۇل قاتىناستاردىڭ شەگى ەمەس دەپ ەسەپتەيمىن, بولاشاقتا قحر-قازاقستان-تۇركيا باعىتى بويىنشا تاسىمالداردى بىرنەشە ەسەگە ارتتىرا الامىز»,-دەپ قورىتتى مينيسترلىكتىڭ جاۋاپتى حاتشىسى.
