بۇل ورايدا ءمينيستردىڭ توراعالىعىمەن مينيسترلىكتە سىبايلاس جەمقورلىققا قارسى شتاب قۇرىلدى. مينيسترلىكتىڭ ءار بولىمشەسىندە سىبايلاس جەمقورلىققا قارسى كونسۋلتانت (قوعامدىق نەگىزدە قاتارداعى قىزمەتكەرلەردىڭ اراسىنان) ينستيتۋتى ەنگىزىلەدى. كونسۋلتانتتىڭ نەگىزگى مىندەتى – بولىمشە جۇمىسىنداعى سىبايلاس جەمقورلىق قاتەرىن تالداۋ. سونداي-اق ازاماتتاردان مينيسترلىككە كەلەتىن وتىنىشتەر مەن شاعىمداردى سىبايلاس جەمقورلىق قاتەرىن انىقتاۋ ءۇشىن تالداۋ كۇشەيتىلەدى. كولل-ورتالىق فۋنكتسيونالىمەن سىبايلاس جەمقورلىققا قارسى ءىس-قيمىل ماسەلەسى جونىندەگى كوپفۋنكتسيالى جوبالاۋ ءوفيسى ۇيىمداستىرىلادى. سىبايلاس جەمقورلىققا قارسى ءىس-قيمىل ورگاندارىمەن بىرلەسىپ, سىبايلاس جەمقورلىققا قارسى توزىمسىزدىكتى كۇشەيتۋگە ارنالعان شارالار تۇراقتى تۇردە وتكىزىلەدى.
بۇل ورايدا قولعا العان ءىس-قيمىلدىڭ اشىقتىعىن قامتاماسىز ەتۋ ماقساتىندا ازاماتتىق قوعام ينستيتۋتتارىمەن سىبايلاس جەمقورلىققا قارسى ءىس-قيمىل قارىم-قاتىناسى كۇشەيتىلەدى. كاسىپكەرلىكتى قولداۋدىڭ مەملەكەتتىك باعدارلاماسىن قوسا العاندا, مينيسترلىكتىڭ كاسىپكەرلەرگە كورسەتەتىن قىزمەتتەرى تسيفرلاندىرىلادى. سونىمەن بىرگە كوپتەگەن ساراپتاۋ جانە قوعامدىق ۇيىمداردى تارتۋ ارقىلى اتالعان ۆەدومستۆونىڭ زاڭ جوبالارىنا سىبايلاس جەمقورلىققا قارسى ساراپتاما جاساۋ قىزمەتى كۇشەيەدى. مونوپولياعا قارسى جانە ستاتيستيكالىق ۆەدومستۆولاردىڭ اۋماقتىق بولىمشەلەرى باسشىلارىنىڭ الەۋمەتتىك جەلىدەگى جەكە پاراقشالارى اشىلدى. وسى سالاداعى حالىقتىڭ جانە كاسىپكەرلەردىڭ ماسەلەلەرى بارىنشا جەدەل شەشىلۋدە.
