ول, سونداي-اق 2018 جىلدىڭ قورىتىندىسى بويىنشا, امبۋلاتورلىق ءدارى-دارمەكپەن قامتاماسىز ەتۋ اياسىندا مەديتسينالىق ۇيىمدارعا بىرىڭعاي ديستريبيۋتەر تاراپىنان 95 ملرد تەڭگە سوماعا ءدارى-دارمەك جىبەرىلگەنىن, 87,2 ملرد تەڭگەگە رەتسەپتىلەرمەن قامتاماسىز ەتىلگەنىن ايتتى. مەديتسينالىق ۇيىمداردان باستاپقى وتىنىمدەر بويىنشا ساتىپ الۋ 117,5 ملرد تەڭگەگە جۇزەگە اسىرىلعان. 2018 جىلى ستاتسيونارلارعا 74,3 ملرد تەڭگە سوماعا ءدارى-دارمەك جونەلتىلگەن.
2019 جىلى تەگىن قامتاماسىز ەتۋ ءۇشىن ساتىپ الىناتىن ءدارى-دارمەك ءتىزىمى 2018 جىلمەن سالىستىرعاندا 108 اتاۋعا ارتقان. 2019 جىلعا ساتىپ الۋ 178,7 ملرد تەڭگەنى قۇرادى, ونىڭ ىشىندە: ديسپانسەرلىك ەسەپتە تۇرعان ناۋقاستار ءۇشىن – 91,1 ملرد تەڭگە, ستاتسيونارلار ءۇشىن – 87,6 ملرد تەڭگە. قازىرگى ۋاقىتتا رەتسەپت بويىنشا ءدارى-دارمەكتەر تەك 46,5 ملرد تەڭگەگە بەرىلگەنىنە قاراماستان, قازىردىڭ وزىندە, ستاتسيونارلارعا 55,4 ملرد تەڭگە, ال امبۋلاتورلىق ءدارى-دارمەكپەن قامتاماسىز ەتۋ ءۇشىن 66,2 ملرد تەڭگە سوماسىندا ءدارى-دارمەك جونەلتىلگەن. وسىلايشا, بۇگىندە مەديتسينالىق ۇيىمداردىڭ قويمالارىندا 19,7 ملرد تەڭگە سوماعا پرەپاراتتار قورى بار.
بەرىك ءشارىپ اتاپ وتكەندەي, بىرىڭعاي ديستريبيۋتەر تىزىمىندە شەكتى باعانىڭ 40%-عا تومەندەۋىن ەسكەرە وتىرىپ, 2019 جىلعا ساتىپ الۋ كەزىندە 22,1 ملرد تەڭگە ۇنەمدەلگەن. ول ەڭ شىعىنى كوپ اۋرۋلاردى دا اتاپ ءوتتى. ماسەلەن, قانت ديابەتىن ەمدەۋگە ارنالعان ءدارى-دارمەككە 17 ملرد تەڭگە جۇمسالعان, گەموفيلياسى بار ەمدەلۋشىلەرگە 8,1 ملرد تەڭگە سوماسىندا ءدارى-دارمەك ساتىپ الىنعان. ونكولوگيالىق اۋرۋلاردى ەمدەۋگە ارنالعان پرەپاراتتارعا 7,8 ملرد تەڭگە, ارتەريالىق گيپەرتەنزيانى ەمدەۋگە 5,8 ملرد تەڭگە, گەماتولوگيالىق اۋرۋلاردى ەمدەۋگە 4 ملرد تەڭگە جۇمسالدى. بۇل رەتتە, تەگىن قامتاماسىز ەتىلەتىن ناۋقاستاردىڭ ەڭ كوپ سانى (47%) ارتەريالىق گيپەرتونيامەن اۋىرادى, 17% – قانت ديابەتى جانە ەلدەگى ديسپانسەرلىك پاتسيەنتتەردىڭ جالپى سانىنىڭ 15%-ى جۇرەكتىڭ يشەميالىق اۋرۋى بويىنشا ەسەپتە تۇر.
سونداي-اق «سق-فارماتسيا» باسشىسى ءبىرىنشى جارتىجىلدىقتاعى 1439 قىسقا ءنومىرى بويىنشا تەگىن ءدارى-دارمەكپەن قامتاماسىز ەتۋ ماسەلەلەرى جونىندەگى بايلانىس ورتالىعىنىڭ جۇمىسىن قورىتىندىلادى. وسى ۋاقىت ىشىندە 28 064 قوڭىراۋ كەلىپ ءتۇستى, ونىڭ ىشىندە 6191 قوڭىراۋ (22%) شاعىمداردى قۇرادى. بارلىق نەگىزدەلگەن شاعىمدار پىسىقتالىپ, ەمدەلۋشىلەر وزدەرىنە تيەسىلى ءدارى-دارمەكتى الدى.
