كەزدەسۋ بارىسىندا ب. ساعىنتاەۆ پرەزيدەنت ق. توقاەۆ بەرگەن تاپسىرمالارعا سايكەس مەگاپوليستى دامىتۋدىڭ باستى باعىتتارى تۋرالى ايتتى جانە تاياۋ ارادا تۇرعىنداردىڭ پىكىرىن ەسكەرە وتىرىپ, قالانى دامىتۋدىڭ جاڭا ستراتەگياسى جاسالاتىنىن اتاپ ءوتتى. قۇجاتتىڭ باستى ءپرينتسيپى - شەتسىز قالا, ورتالىقتاندىرۋ, مەگاپوليستىڭ بارلىق اۋداندارىندا ءومىر ءسۇرۋدىڭ جوعارى ستاندارتتارىن قالىپتاستىرۋ.
الماتى اكىمى قالا ءۇشىن رەسەيلىك ارىپتەستەردىڭ قالا كەڭىستىگىن جوسپارلاۋ مەن ماسكەۋ, سانكت –پەتەربۋرگ, باسقا دا ءىرى مادەني- تاريحي ورتالىقتاردىڭ ۋربانيستيكاسى بويىنشا تاجىريبەلەرىنىڭ وتە قۇندى ەكەنىن اتاپ ءوتتى.
تاراپتار ەكونوميكالىق ىنتىماقتاستىقتى دامىتۋ پەرەسپەكتيۆالارىن تالقىلادى. الماتىدا رەسەيلىك كاپيتالمەن ساۋدا, قارجى, مەديتسينا, ونەركاسىپ سالالارىندا 2679 كاسىپورىن جۇمىس جاسايدى. وتكەن جىلى الماتى مەن رەسەي اراسىنداعى تاۋار اينالىمى 6,8% قۇرادى.
ب. ساعىنتاەۆ شوب دامىتۋ ءۇشىن وڭدى شارالاردىڭ جۇزەگە اسقانىن جانە اكىمشىلىك كەدەرگىلەردىڭ ازايعانىن جەتكىزدى. قالادا كاسىپكەرلەرگە قولداۋ مەن قىزمەت كورسەتەتىن «Qoldaў» ورتالىعى جانە «الماتى» اقك جانىنان قۇرىلعان تولىق فورماتتى «AlmatyInvest» ينۆەستيتسيالىق بلوك جۇمىس جاساۋدا. الماتى رەسەي بيزنەسىمەن تىعىز بايلانىستا جۇمىس جاساۋعا ىنتالى جانە ءوزارا پايدالى جوبالاردى تالقىلاۋعا دايىن.
كەزدەسۋ بارىسىندا مادەني-گۋمانيتارلىق ىنتىماقتاستىقتىڭ جوعارى دەڭگەيى اتاپ ءوتىلدى. بەلگىلى بولعانداي, قازان ايىنىڭ العاشقى ونكۇندىگىندە الماتىدا ماسكەۋ كۇندەرىن, ال 4-6 قاراشادا سانكت-پەتەربۋرگتىڭ گۋمانيتارلىق ءىس- قيمىل ميسسياسىن وتكىزۋ تۋرالى كەلىسىم جاسالعان بولاتىن.
«بۇل شارالاردىڭ وڭىرارالىق ىنتىماقتاستىقتى دامىتۋعا قوسىمشا سەرپىن بەرەتىنىنە سەنىمدىمىن. ءبىز ولاردى ۇيىمداستىرۋعا جان-جاقتى قولداۋ كورسەتۋگە دايىنبىز», -دەپ اتاپ ءوتتى قالا اكىمى.
