قر ۇكىمەتىنىڭ قاۋلىسىمەن نۇرلان ورالبەك ۇلى بورامباەۆ قازاقستان رەسپۋبليكاسىنىڭ رەسەي فەدەراتسياسىنداعى ساۋدا وكىلى بولىپ تاعايىندالدى.
ن. بورامباەۆ 1971 جىلى تسەلينوگراد قالاسىندا دۇنيەگە كەلگەن. 1993 جىلى «ەڭبەككە باۋلۋ جانە جالپى تەحنيكالىق پاندەر مۇعالىمى» ماماندىعى بويىنشا س. سەيفۋللين اتىنداعى اقمولا پەداگوگيكالىق ۋنيۆەرسيتەتىن, 1995 جىلى «بۋحگالتەر-رەۆيزور» ماماندىعى بويىنشا اقمولا قارجى-ەكونوميكالىق تەحنيكۋمىن, 2007 جىلى «ەكونوميكا» ماماندىعى بويىنشا ت. رىسقۇلوۆ اتىنداعى قازاق ەكونوميكالىق ۋنيۆەرسيتەتىن تامامداعان.
ەڭبەك جولىن مەملەكەتتىك قارجىلىق باقىلاۋ ورگاندارىندا باستادى, مينيسترلىكتەر مەن ۆەدومستۆولاردا, كوممەرتسيالىق ۇيىمداردا جۇمىس ىستەدى.
2006 جىلدان باستاپ قر پرەزيدەنتىنىڭ ءىس باسقارماسى جۇيەسىندە جۇمىس ىستەيدى, ءبولىم مەڭگەرۋشىسىنىڭ ورىنباسارى, ءبولىم مەڭگەرۋشىسى قىزمەتتەرىن اتقارعان.
2010 جىلعى ماۋسىم مەن 2012 جىلعى ناۋرىز ارالىعىندا — «قازاقستان رەسپۋبليكاسى پرەزيدەنتىنىڭ تەلەراديوكەشەنى» اق باس ديرەكتورىنىڭ ورىنباسارى;
2012 جىلعى ناۋرىز بەن 2013 جىلعى قازان ارالىعىندا — قر پرەزيدەنتى ءىس باسقارماسىنىڭ «بۇركىت» مەملەكەتتىك اۆياكومپانياسى» رمك ديرەكتورىنىڭ ورىنباسارى, 2013–2017 جىلدارى — «استانا قوناق ءۇيى» اق پرەزيدەنتى;
2017 جىلعى شىلدەدە قر پرەزيدەنتى ءىس باسقارماسىنىڭ «قازاقستان رەسپۋبليكاسى پرەزيدەنتى اكىمشىلىگى مەن ۇكىمەتىنىڭ اكىمشىلىك عيماراتتارى ديرەكتسياسى» رمك ديرەكتورىنىڭ ورىنباسارى;
2019 جىلدىڭ قاڭتارىنان باستاپ قازىرگى تاڭعا دەيىن — «ماتەريالدىق-تەحنيكالىق قامتاماسىز ەتۋ باسقارماسى» مم باسشىسىنىڭ ورىنباسارى.
