ومبى قالاسىندا «ەۆرومەد» زاماناۋي مەديتسينالىق كوپبەيىندى ورتالىق 2007 جىلى قۇرىلعان. ونداعى ماماندار « ەكستراكورپورالدىق ۇرىقتاندىرۋ", "جاتىرىشىلىك ينسەميناتسيا", "ەكو پليۋس يكسي", "پيكسي" باعدارلامالارى بويىنشا جۇمىس ىستەيدى.
«سولتۇستىك قازاقستان تۇرعىندارى ءبىزدىڭ مەكەمەنىڭ قىزمەتىنە ءجيى جۇگىنەدى. جەر شالعايلىعىنا بايلانىستى قاتىناۋ وڭاي ەمەس. وسى سەبەپتى كوشپەلى كونفەرەنتسيا ۇيىمداستىرۋ ارقىلى تاجىريبە الماسۋدى, ءبىر-بىرىمىزدەن ۇيرەنۋدى, بولاشاق انالارعا اقىل-كەڭەس بەرۋدى ءجون كوردىك»,دەيدى ورتالىقتىڭ بولىمشە مەڭگەرۋشىسى, اكۋشەر-گينەكولوگ ناتاليا چەرنوۆا.
ونىڭ ويىنشا كەز كەلگەن انا بالا كوتەرۋگە الدىن الا دايىندالۋى كەرەك. سوندا ءومىر ەسىگىن اشاتىن ءسابيدىڭ دەنى ساۋ بولادى. شاڭىراق كوتەرگەن جاس وتاۋ يەلەرى پەرزەنت ءسۇيۋدى ارماندايدى. ەكى كۇنگە سوزىلعان القالى باس قوسۋ بارىسىندا جۇكتىلىكتى 3 اي بۇرىن جوسپارلاۋدىڭ تيىمدىلىگى, جاۋاپتى كەزەڭگە مۇقيات دايىندالۋ قاجەتتىگى, مۇنى كەي جاس انالار بىلە بەرمەيتىنى, ازىرلىك ەكى باعىتتا جۇرگىزىلەتىنى اتاپ كورسەتىلدى. ءبىرىنشىسى, جۇكتىلىككە اعزانىڭ, ەكىنشىسى, پسيحولوگيالىق تۇرعىدان دايىن بولۋى شارت. جۇكتىلىكتىڭ دۇرىس جوسپارلانۋى دەنى ساۋ بالا تۋعا مۇمكىندىك بەرەدى.
كونفەرەنتسياعاكەلگەن № 2 قالالىق ەمحانانىڭ اكۋشەرى تاتيانا يراششۋك كوپتەگەن جاڭاشىلدىقتارعا قانىققانىن ايتادى.
«كونفەرەنتسياعا باسىنان اياعىنا دەيىن مۇقيات قاتىستىم. وتە مازمۇندى بولدى. ەرەكشەلىكتەرىمىز دە بار. ماسەلەن, ءبىزدىڭ حاتتامالار رەسەيدەگى مامانداردىكىمەن سالىستىرعاندا ءسال وزگەشەلەۋ ەكەن. جۇمىسقا بارىسىندا قولداناتىن بولامىز», دەيدى ول.
سولتۇستىك قازاقستان وبلىسى
