Olympic.kz سايتىنا شاعىن سۇحبات بەرگەن ريو وليمپياداسىنىڭ چەمپيونى ءوز كوڭىل-كۇيىمەن ءبولىسىپ, بۇگىنگى باسەكەنى قورىتىندىلادى. سونداي-اق, وليمپيادا قارساڭىنداعى ماۋسىمعا قاتىستى پىكىر ءبىلدىردى.
«مەن ءۇشىن الەم چەمپيوناتى اياقتالعان جوق ءالى. الدا كوماندالىق ەستافەتا بار. ءبىز وليمپيادا ويىندارىنا جولداماالۋعا تىرىسامىز. جالپى العاندا, جەكەلەي سىنداعى ءوز ونەرىمە كوڭىلىم تولادى. ءجۇز مەترلىك جارىستا ءوز ناتيجەمدى جاقسارتىپ, ەل رەكوردىن جاڭارتتىم. 200 مەترلىك سىندا ءبارى مەن ويلاعانداي بولمادى, بىراق كوڭىل تۇسىرەتىندەي جاعداي ەمەس. مۇندا اەروبتى دايىندىعىم ازداپ جەتىسپەي قالدى. دەسە دە, ناتيجەم جامان ەمەس. وڭاي بولعان جوق, ارينە. ەندى باپكەرمەن بىرگە جاتتىعۋدى جالعاستىرامىز. جارىستىڭ ۆيدەوسىن تاماشالاپ, ءبارىن ساراپتايمىز. سول ساراپتاما قورىتىندىسى بويىنشا دايىندىقتى رەتكە كەلتىرۋ ماقساتى تۇر الدا. الەم چەمپيوناتىنان سوڭ ازداعان دەمالىس الىپ, لوس-اندجەلەسكە, دەيۆ سالوعا قايتا ورالامىز. دەيۆ الەم چەمپيوناتىندا بىزگە باعىت بەرىپ, ءاربىر جارىستان سوڭ ءوز اقىل-كەڭەسىمەن ءبولىستى. سول ءۇشىن كوپ راحمەت»,- دەيدى بالاندين.
