شىمكەنت قالاسىنا بەكىتىلگەن 10-شى سەكتوردا جۇرگىزىلىپ جاتقان جوندەۋ جانە قۇرىلىس جۇمىستارى بويىنشا شىمكەنت قالاسىنىڭ اكىمى عابيدوللا ءابدىراحىموۆ باياندادى.
- زالالدى باعالاۋ جانە جويۋ ءۇشىن شىمكەنت قالاسى اكىمدىگىنىڭ جانە 13 مەردىگەرلىك ۇيىمنىڭ 553 مامانى جۇمىلدىرىلىپ, 3 كەزەكتە تاۋلىك بويى جۇمىس ىستەۋدە. ساراپتاما ناتيجەسىندە انىقتالعان سەكتورداعى 652 تۇرعىن ءۇيدىڭ 604-ىندە جوندەۋ جۇمىستارى جۇرۋدە, 32 ءۇيدىڭ اپاتتى بولۋى جانە تولىق ورتەنۋى سەبەبىنەن ورىندارىنا جاڭا ۇيلەردىڭ قۇرىلىسى جۇرگىزىلۋدە. قازىرگى ۋاقىتتا 161 ۇيدە جوندەۋ جۇمىستارى اياقتالعان.
1 تامىزعا دەيىن بارلىق ۇيلەردىڭ شاتىرلارى مەن تەرەزەلەرى قالپىنا كەلتىرىلەدى. ال 15 تامىزعا دەيىن ىشكى جانە سىرتقى ارلەۋ جۇمىستارىن اياقتايمىز, - دەدى قالا اكىمى.
ع. ءابدىراحىموۆتىڭ بايانداۋىنشا, شىمكەنتكە تيەسىلى سەكتوردا ەكى ايدىڭ ىشىندە جوندەۋگە كەلمەيتىن ۇيلەردىڭ ورنىنا سالىنىپ جاتقان جاڭا ۇيلەردىڭ قۇرىلىسى تولىعىمەن اياقتالادى. جۇرگىزىلىپ جاتقان جۇمىستاردىڭ, ءار ءۇيدىڭ قۇرىلىسى مەن جوندەۋ جۇمىستارىنىڭ ساپالى بولۋى قالا اكىمىنىڭ قاتاڭ نازارىندا.
ساپار بارىسىندا ارىس قالاسىنىڭ تۇرعىندارى قۇرىلىس نىسانىنداعى جۇمىستار ساپالى ورىندالىپ جاتقانىن ايتىپ, ءوز العىستارىن ءبىلدىردى.
