ەلىمىزدىڭ باتىسىنداعى بارلىق وقۋ پوليگونداردا بولىمشە, ەكيپاجدار قۇرامىمەن قارقىندى جاۋىنگەرلىك ساباقتار وتۋدە. بولىمشەلەردى (ەسەپتوپتاردى) جانە ەكيپاجداردى دايىنداۋ بويىنشا ساباقتار بولىمشەلەر كومانديرلەرىنىڭ باسشىلىعىمەن وتكىزىلىپ, شىلدە ايىنىڭ سوڭىنا دەيىن جالعاسادى. اتالعان كەزەڭدە اسكەري قىزمەتشىلەر ماماندىق بويىنشا جەكە دايىندىق بارىسىندا العان ءارتۇرلى ۇرىستا جانە جاۋىنگەرلىككە بارىنشا جاقىنداتىلعان جاعدايلاردا بولىمشە قۇرامىندا كاسىبي ماشىقتارىن جەتىلدىرۋدە. وقىتۋ بارىسىندا نەگىزگى كۇش-جىگەر بولىمشەلەر قۇرامىندا اسكەري قىزمەتشىلەردى ءىس-قيمىلعا دايىنداۋعا جانە ۇرىستا شتاتتىق قارۋ-جاراق پەن اسكەري تەحنيكانى شەبەر ءارى ءتيىمدى پايدالانۋعا جەكە قۇرامنىڭ دالالىق ماشىعىن جەتىلدىرۋگە باعىتتالعان.
سونىمەن قوسا, وسى ارالىقتا اسكەري قىزمەتشىلەر تانىس ەمەس ايماقتاعى جاۋىنگەرلىك ارەكەتتەرىن, بولىمشەلەردىڭ وق اتىسىن باسقارۋدى, اسكەريتەحنيكادان قوزعالىستا وق اتۋدى پىسىقتايدى.
- قاراڭعى ۋاقىتتاعى اتىس جاتتىعۋلارى بارىسىندا تۇندە كورۋ قۇرالدارى قولدانىلادى. اتقىشتار اسەلسان قۇرىلعىسىن قولدانسا, تانكىشىلەر تۆن-5 قۇرالىن, بتر ەكيپاجدارى ماشينا كومانديرلەرىنە ارنالعان تكن-3 جانە جۇرگىزۋشى-مەحانيكتەرگە ارنالعان تۆنە-4ب قۇرىلعىلارىن پايدالانادى. بۇنىڭ بارلىعى جاۋىنگەرلىك دايارلىق ءۇردىسىن مەيىلەنشە ساپالى ەتۋگە كوپ سەپتىگىن تيگىزەدى, دەيدى «باتىس» وڭىرلىك قولباسشىلىعى اسكەرلەرى قولباسشىسىنىڭ جاۋىنگەرلىك دايارلىق جونىندەگى ورىنباسارى پولكوۆنيك جەنيس مارالوۆ.
اتىس قارۋلارىنان تۇنگى ۋاقىتتاعى وق اتۋ كۇندىزگى ۋاقىتتان قاراعاندا الدەقايدا وزگەشە. تۇنگى ۋاقىتتا ولاردىڭ كوزدەۋلەرى, باعدارلاردى تابۋ قيىن بولادى. وعان قوسا, ساربازدارعا دەگەن پسيحولوگيالىق اۋىرتپاشىلىق بولۋى مۇمكىن. بولىمشەلەردى دايىنداۋدىڭ شەشۋشى كەزەڭىندە جاۋىنگەرلىك وق اتۋلار وتكىزىلەدى.
ماڭعىستاۋ وبلىسى
