«قاۋىپسىزدىك سەرتيفيكاتى نە ءۇشىن قاجەت دەگەن سۇراققا كەلسەك. سەبەبى بۇگىندە ينتەرنەتتە ءتۇرلى قۇقىققا قارسى كونتەنتتەر كوپ, ودان بولەك ءبىر كۇندە مىڭداعان كيبەرشابۋىل جاسالادى. ينتەرنەت قاۋىپتەردىڭ قاتارىنا سۋيتسيدكە ناسيحاتتاۋ, ەكسترەميستىك, تەرروريستىك قيمىلدارعا ناسيحاتتاۋ جانە باسقا دا قر زاڭناماسىنا كەرى اسەرىن تيگىزەتىن كونتەنتتەر جاتادى», - دەدى اسقار جۇماعاليەۆ.
ونىڭ ايتۋىنشا, قاۋىپسىزدىك سەرتيفيكاتى ينتەرنەتتەگى ءتۇرلى كيبەرۆيرۋستاردان قورعايدى.
«مەملەكەتتىك قىزمەتكەرلەر قاۋىپسىزدىك سەرتيفيكاتىن 1,5 جىلدان بەرى قولدانىپ كەلەدى. سوڭعى ءبىر اي ىشىندە قاۋىپسىزدىك سەرتيفيكاتى 8 ملننان استام ۆيرۋس بەلسەندىلىگىن انىقتاپ بەردى. سونىمەن قاتار 130 مىڭنان استام مەملەكەتتىك ورگاندار مەن مەكەمەلەردى كيبەرشابۋىلدان قورعادى», -دەدى ول.
ۆەدومستۆو باسشىسى قاۋىپسىزدىك سەرتيفيكاتىن ۇيالى تەلەفونىنا ورناتقانىن كورسەتىپ, ينتەرنەتپەن ەشقانداي قيىندىق تۋىنداماعانىن اتاپ ءوتتى.
«بايلانىس ساپاسىنا كەلەتىن بولساق, ءبىز قاۋىپسىزدىك سەرتيفيكاتىنا بايلانىستى جابدىقتاردى قالىپقا كەلتىرۋ جۇمىستارى باستالعاننان كەيىن, ينتەرنەت قول جەتىمدىلىگىندە كەيبىر پروبلەمالار بولۋى مۇمكىن دەگەن اقپاراتتى دەرەۋ ورنالاستىردىق, بىراق ولار ۋاقىتشا سيپاتقا يە. وزىمە كەلەتىن بولسام, مەن سەرتيفيكاتتى ورناتتىم, ەشقانداي قيىندىق تۋىنداعان جوق», - دەدى مينيستر.
مينيستر اسقار جۇماعاليەۆ قانداي دا ءبىر سۇراق تۋىنداسا, مەملەكەتتىك تەحنيكالىق قىزمەتكە حابارلاسۋعا كەڭەس بەردى.
«مەنىڭ ويىمشا, مەملەكەتتىك تەحنيكالىق قىزمەتكە جۇگىنۋ كەرەك, سوندا تۋىنداعان سۇراقتار شەشىمىن تابادى», - دەدى ول.
