قوعام • 26 شىلدە، 2019

گەل-لاكتىڭ قورقىنىشتى قاتەرى

1494 رەت كورسەتىلدى

سۇيرىكتەي ساۋساقتارىن ءساندى ەتىپ بوياپ، تىرناقتارىن تاپ-تۇيناقتاي كۇتىپ جۇرۋگە ۋاقىت تاباتىن قىز-كەلىن­شەكتەرگە ارينە، قىزىعاسىڭ. بىراق گەل-لاك­تى كوپ قولداناتىن ايەلدەردىڭ تىرناقتارى ابدەن ءۇلبى­رەپ، ءتىپتى ءتۇسىپ قالعانىن دا كورىپ جۇرگەن بولارسىز؟!

سونىمەن دەرماتولوگتار تەرى وبىرىن قوزدىراتىن مانيكيۋرگە، ونىڭ ىشىندە اسىرەسە گەل-لاكقا اۋەس بولا بەرمەۋگە كەڭەس بەرەدى.
ارينە گەل-لاكتىڭ ارتىقشىلىقتارى كوپ: تەز كەبەدى، جۇمساق، سىنعىش تىرناقتاردى قاتايتىپ تۇرادى، كۇتىنىپ جۇرسەڭ ءبىر ايعا دەيىن بەكەم ساقتالادى. الايدا، دەر­ماتولوگتار ءتۇپتىڭ تۇبىندە مۇنداي مانيكيۋر اسا قاۋىپ­تى تەرى راگىنا شالدىقتىرۋى مۇمكىن ەكەندىگىن ايتادى.
ويتكەنى گەل-لاك تەك قانا ارنايى ۋلتراكۇلگىن ساۋلە شاشاتىن لامپامەن عانا كەبەدى. جانە ءبىر رەت گەل-لاك جاقتىرۋ ءۇشىن كەمى ءۇش رەت قولدى ۋلتراكۇلگىن شامىنا سالۋعا تۋرا كەلەدى. بۇل ساۋلە گەلدى عانا كەپتىرىپ قويمايدى، تەرىنى دە قارتايتىپ، ءجيى قولدانا بەرگەن جاعدايدا راك دەرتىن تۋدىرادى.

ماسەلە مىنادا، ۋلتراكۇلگىن ساۋلە شاشاتىن لامپالار ەشقانداي ستاندارتتالماعان جانە ءار ءسان سالونى ءوزىنىڭ بىلگەنىن جاسايدى. تىرناقتى ساۋلەلەندىرۋدىڭ ناقتى دوزاسى جوق. ال ءسان سالونىنا ايىنا بىرنەشە رەت، كەمىندە ءبىر بارىپ گەل-لاك جاقتىرىپ الاتىن سانقويلار جەتكىلىكتى. ۋلتاركۇلگىن ساۋلەسىن ءجيى العان سايىن تەرى راگىنىڭ اسقىنۋ قاۋپى ودان دا ارتا تۇسپەك. اسىرەسە بۇل قاۋىپ-قاتەر قولىندا داقتارى بار نەمەسە گەنەتيكالىق تۇرعىدا تەرى اۋرۋلارى مەن قاتەرلى ىسىككە بەيىم ادامداردا ءتىپتى جوعارىلاي تۇسەدى.
مۇنان دا بولەك، بەلگىلى ءبىرى حيميوتەراپيا پرەپارات­تا­رىن العان نەمەسە انتيبيوتيكتەر قابىلداعان ادامداردا ۋلتراكۇلگىن ساۋلەگە سەزىمتالدىعى جوعارى بولادى.
سوندىقتان دا دەرماتولوگتار اسا ءبىر قاجەت بولماسا، گەل-لاكتى قولدانا بەرمەۋگە كەڭەس بەرىپ وتىر. جانە تىرناققا گەل-لاك جاققىزعان جاعدايدا ۇشتارى كەسىلگەن ارنايى قولعاپ كيىپ، كۇن ساۋلەسىنەن قورعايتىن ماي جاعىپ الۋ كەرەكتىگىن ايتادى.
دەگەنمەن، امەريكالىق دەرماتولوگ كريس اديگۋننىڭ ايتۋىنشا، ەشكىم دە مانيكيۋرگە قولىنا كرەم جاعىپ بارمايدى، جاعىپ بارعان جاعدايدىڭ وزىندە ول جۋىلىپ كەتەدى. ال كۇن ساۋلەسىنەن قورعايتىن كرەمدى قولعا ۋلتراكۇلگىن ساۋلەلى لامپاعا قولدى سالار الدىندا كەمى 20 مينۋت بۇرىن جاعۋ كەرەك. سوندا عانا ونىڭ اسەرى بولۋى مۇم­كىن. بىراق ۇنەمى اسىعىس قىز-كەلىنشەكتەردىڭ تاعى دا قو­سىمشا 20 مينۋت كۇتۋگە تاعاتتارى جەتە بەرمەيدى.
ەڭ باستىسى، ءالى دە كۇن ساۋلەسىنەن قورعايتىن مايلار­دىڭ ۋلتراكۇلگىن ساۋلەلەندىرۋگە قارسى اسەرى زەرت­تەلىن­بەگەن. سوندىقتان دا مۇنداي كرەمدەر قولدى ۋلترا­كۇلگىن شامىنان قانشالىقتى قورعاي الاتىنى بەيمالىم.
وسى ساۋالداماعا قاتىسقان كەلەسى دەرماتولوگ دجوشۋا زايحنەر كەرىسىنشە، كۇن ساۋلەسىنە قارسى مايمەن بولسا دا قولدى ساقتاندىرۋ يدەياسىن قولدايدى. ونىڭ ويىن­شا، مانيكيۋر مامانى تىرناقتاردى شامنىڭ قۋىسىنا سالار الدىندا قولدى تۇگەل كۇن ساۋلەسىنەن قورعايتىن كرەممەن مايلاپ شىعۋى كەرەك.
دەگەنمەن بۇل ۇسىنىس-پايىمداردىڭ بارلىعى دا تولايىم عىلىمي زەرتتەۋلەردەن وتپەگەن. ەسەسىنە، گەل-لاكتى ءجيى پايدالاناتىن قىز-كەلىنشەكتەردىڭ تىرناعى ۇلبىرەپ، ءتىپتى ءتۇسىپ قالاتىنىن كوزىمىز كورىپ ءجۇر.

سوڭعى جاڭالىقتار

اقجايناق استانا

ەلوردا • كەشە

ديماش پەن دجەكسون

ونەر • كەشە

ۇقساس جاڭالىقتار