وڭالتۋ قىزمەتتەرىنىڭ ساپاسىن جاقسارتۋ جانە مۇگەدەكتىگى بار ازاماتتاردىڭ قاجەتتىلىكتەرىن قاناعاتتاندىرۋ ماقساتىندا بۇعان دەيىن مينيسترلىك پەن كاسىپورىن اراسىندا ءتيىستى كەلىسىم جاسالعان بولاتىن.
بەردىبەك ساپارباەۆ ۇكىمەتتىڭ كەڭەيتىلگەن وتىرىسىندا ەل پرەزيدەنتى مۇگەدەك ازاماتتاردى بارلىق قاجەتتى تەحنيكالىق قۇرالدارمەن جانە وڭالتۋ قىزمەتتەرىمەن قامتاماسىز ەتۋدى تاپسىرعانىن اتاپ ءوتتى. ء«بىزدىڭ مىندەتىمىز – مۇگەدەكتىگى بار جانداردى قاجەتتى قۇرالدارمەن جانە وڭالتۋ قىزمەتتەرىمەن قامتاماسىز ەتۋ. سونىمەن قاتار ولار ساپالى جانە قولدانۋعا ىڭعايلى بولۋى كەرەك. ەگەر بۇل ۇلگىلەر ءوزىن جاقسى جاعىنان كورسەتىپ, بارلىق تالاپتارعا ساي بولسا, مۇگەدەكتىگى بار ازاماتتاردى ەلەكتر جەتەگىمەن جۇرەتىن اربالارمەن مەملەكەتتىك تاپسىرىس شەڭبەرىندە قامتاماسىز ەتۋ ماسەلەسىن قاراستىراتىن بولامىز. قازاقستاندا ساپالى ءونىم ءوندىرۋدى جولعا قويساق, تەحنيكالىق جابدىقتاردى يمپورتتاۋدىڭ قاجەتتىلىگى بولمايدى», دەپ اتاپ ءوتتى ب.ساپارباەۆ.
ەلەكتر جەتەگى بار كرەسلو-اربالاردىڭ العاشقى تاجىريبەلىك ۇلگىلەرى بالا كەزىنەن باستاپ ءبىرىنشى توپتاعى مۇگەدەكتىگى بار دينارا اليەۆا مەن ەرلان ەسكەنگە بەرىلدى.
«جاڭا ۇلگىدەگى ەلەكتر كرەسلو-اربا وتە ىڭعايلى. مۇنى كوپتەن ارمانداعان ەدىم. ەندى بۇل اربانىڭ كومەگىمەن ءوز بەتىمشە قوزعالا الامىن», دەدى دينارا اليەۆا.
زاۋىت ديرەكتورى قايرات قالمانباەۆتىڭ ايتۋىنشا, وتاندىق ونىمدەر شەتەلدىك بالاماسىنان كەم تۇسپەيدى. سىناق ءساتتى بولعان جاعدايدا, كاسىپورىن ەلەكتر اربالاردىڭ سەريالىق ءوندىرىسىن جولعا قويۋعا نيەتتى.
ەڭبەك جانە حالىقتى الەۋمەتتىك قورعاۋ مينيسترلىگى اقتوبە وبلىسىندا الەۋمەتتىك پورتال قىزمەتىن قاناتقاقتى رەجىمدە جۇزەگە اسىرۋدا. بۇل پورتال مۇگەدەكتىگى بار ازاماتتارعا وڭالتۋ قۇرالدارى مەن قىزمەتتەرىن ءوز بەتىنشە تاڭداۋعا مۇمكىندىك بەرەدى.
«تىنىس» اق زاۋىتى قىزمەتىنىڭ نەگىزگى سالاسى – اۆياتسيالىق تەحنيكاعا ارنالعان توراپتار مەن اگرەگاتتار ءوندىرۋ. كاسىپورىن جىلۋ الماستىرعىش جابدىقتار, ۇشاق ءورت سوندىرگىشتەرى, تەمپەراتۋرا دابىلى, كلاپاندار, ەلەكترماگنيتتىك جانە جىلۋ قوسقىشتار, ەلەكتروندى باسقارۋ بلوكتارى, سونىمەن قاتار كۇش قۇرىلىمدارىنا ارنالعان وق-دارىلەر, ساۋىتتار مەن قالقاندار جانە ت.ب. شىعارۋمەن اينالىسادى.
سونىمەن قاتار مينيستر بۇلاندى اۋدانىنىڭ ماكين قالاسىنا بارىپ, جۇمىسپەن قامتۋ ورتالىعىنىڭ قىزمەتىمەن تانىستى. بۇگىنگى تاڭدا اۋداندا اتاۋلى الەۋمەتتىك كومەك الاتىن 243 وتباسى بار, بۇل وتكەن جىلمەن سالىستىرعاندا ءۇش ەسە كوپ. مينيستر جۇمىسپەن قامتۋعا جاردەمدەسۋدىڭ بەلسەندى شارالارىمەن, ونىڭ ىشىندە ااك الاتىن ازاماتتارمەن جۇمىستى كۇشەيتۋ قاجەتتىگىن اتاپ ءوتتى. «وبلىستا ااك الاتىن 9800 ەڭبەككە قابىلەتتى ازامات بار, ولاردىڭ تەك
10 پايىزى جۇمىسپەن قامتۋعا جاردەمدەسۋدىڭ بەلسەندى شارالارىنا جاتادى. سىزدەرگە وسى باعىتتاعى جۇمىستى كۇشەيتۋ كەرەك», دەدى ب.ساپارباەۆ.
