دەپارتامەنت جاستار جىلى اياسىندا جاستارعا قولداۋ كورسەتپەك. ءتارتىپ ساقشىلارى ولاردى جۇمىسپەن قامتاماسىز ەتۋدى قولعا العالى وتىر. كادر ساياساتى باسقارماسىنىڭ قىزمەتكەرلەرى, پوليتسيا مايورلارى مۇرات ەسمۇحامبەتوۆپەن جانە ەريك ءمۇسلىموۆ وبلىس ورتالىعىنداعى ۇلتتىق ۇلان 6697 اسكەري ءبولىمىنىڭ مەرزىمدى قىزمەت اسكەري قىزمەتشىلەرىمەن اڭگىمەلەستى. كەزدەسۋ بارىسىندا اسكەري قىزمەتشىلەرگە پوليتسياعا قىزمەتكە تۇرۋ ءتارتىبى, سونداي-اق ىشكى ىستەر ورگاندارىندا قىزمەت وتكەرۋ شارتتارى تۋرالى تۇسىنىكتەمە بەرىلدى.
ولارعا پوليتسياداعى قىزمەتتىڭ ارتىقشىلىقتارى, پوليتسەيلەردىڭ ەڭبەكاقىسى اعىمداعى جىلدىڭ 1 شىلدەسىنەن باستاپ 65 پروتسەنتكە دەيىن وسكەندىگى, سونداي-اق تۇرعىن ءۇيدى جالعا الۋ شىعىنى جەڭىلدىكتەرى بەرىلەتىنى, مانساپتىق ءوسۋ مەن ءتارتىپ ساقشىسىنا جانە ونىڭ وتباسى مۇشەلەرىنە تەگىن مەديتسينالىق قىزمەت كورسەتىلەتىنى ايتىلدى. قر ءىىم جوعارى وقۋ ورىندارىندا تەگىن جوعارى كاسىبي ءبىلىم الۋعا مۇمكىندىگى بار.
اسكەري قىزمەتشىلەر ەڭبەكاقىعا قاتىستى قوسىمشا سۇراقتار قويىپ, وزدەرىنە قاجەتتى تولىق مالىمەت الدى.
«بۇل ەلباسى جاريالاعان جاستار جىلىندا جاستارعا جاسالعان مول مۇمكىندىك دەپ بىلەمىز. قازىر 18 بەن 35 جاس ارالىعىنداعى ازاماتتاردى جۇمىسقا الىپ, ولاردىڭ ومىردەن ءوز ورنىن تابۋىنا كومەكتەسكىمىز كەلەدى» دەيدى كادر ساياساتى باسقارماسى باستىعىنىڭ ورىنباسارى, پوليتسيا مايورى مۇرات ەسمۇحامبەتوۆ.
