تولعاق كەزىندە بيجۋتەريا بۋتيگى دەرەۋ جابىلىپ, ونىڭ الدىنا كۇزەت قويىلدى. ءبارى دە تەز, اياق استىنان بولعانى سونشالىق, «جەدەل-جاردەم» كولىگى جەتكەنشە, ءسابي شىر ەتىپ, ىڭگالاپ جارىق دۇنيە ەسىگىن اتتادى. بۇل كەزدە زاۋرەشتىڭ ەرى ارمان كۇن دەمالىس بولعاندىقتان قاننەن-قاپەرسىز ۇيىندە دەمالىپ جاتقان-دى. حابار جەتىسىمەن ول دا شۇعىل جينالىپ, ساۋدا ۇيىنە جەتكەن بولاتىن. بۇل كەزدە زاۋرەشتى مەديتسينا ماماندارى سابيىمەن بىرگە «جەدەل-جاردەم» كولىگىنە وتىرعىزعان ەدى.
نارەستەنىڭ وزگە ەمەس, اسەمدىك بۋتيگىندە ومىرگە كەلگەنى دە تاڭ قالدىرماي قويمايدى. ءسابي قىزعا ايلين دەگەن ات قويىلدى. زاۋرە مەن ارماننىڭ ەكىنشى پەرزەنتى. ەندى ولاردىڭ 3 جاسار ۇلىنىڭ قىزعالداقتاي قارىنداسى بار. جارىق دۇنيە ەسىگىن اتتاعان كەزدە ءسابي قىزدىڭ سالماعى 3 كگ 400 گرامم, بويىنىڭ ۇزىندىعى 52 سم بولدى. ارينە بۇل دەرەك ونىڭ ومىرگە كەلگەندەگى ءابسوليۋتتى دەنساۋلىعىن كورسەتسە كەرەك.
وزدەرىنىڭ جۇمىس ورىندارىندا ءسابيدىڭ دۇنيەگە كەلگەنىن ىرىمعا بالاعان ساۋدا ءۇيىنىڭ يەلەرى ءسابيدىڭ اناسىنا ارنايى سىي جاسادى. سونىمەن بىرگە ۋىلدەگەن ايلينگە نارەستەگە ارنالعان جيىلتىق تارتۋ ەتتى.
