ايماقتار • 19 شىلدە، 2019

ابايدىڭ 175 جىلدىعىنا دايىندىق باستالدى

250 رەتكورسەتىلدى

پرەمەر-ءمينيستردىڭ ورىنباسارى گۇلشارا ابدىقالىقوۆانىڭ توراعالىعىمەن 2020 جىلى قازاق حالقىنىڭ ۇلى اقىنى، اعارتۋشى اباي قۇنانباي ۇلىنىڭ تۋعانىنا 175 جىل­دىق مەرەيتويىن وتكىزۋ جونىندەگى مەملەكەتتىك كوميسسيانىڭ العاشقى وتىرىسى ءوتتى.

30 مامىردا «اباي قۇنانباي ۇلىنىڭ 175 جىلدىق مەرەيتويىن مەرەكەلەۋ تۋرالى» پرەزيدەنت قاسىم-جومارت توقاەۆتىڭ جارلىعى شىققانى بەلگىلى. ۇلى اقىننىڭ مەرەيتويىن وتكىزۋ جونىندەگى مەملەكەتتىك كوميسسيانىڭ قۇرامىنا پارلامەنت دەپۋتاتتارى باقىتجان جۇماعۇلوۆ پەن ساۋىتبەك ابدراحمانوۆ، كورنەكتى قالامگەرلەر، قوعام قايراتكەرلەرى ولجاس سۇلەيمەنوۆ، روللان سەيسەنباەۆ، مۇرات اۋەزوۆ، ورتالىق مەملە­كەت­تىك ورگانداردىڭ باسشىلارى، اكادە­ميا­لىق جانە شىعارماشىلىق قوعام وكىلدەرى ەنگەن بولاتىن.

پرەمەر-ءمينيستردىڭ ورىنباسارى وتىرىستىڭ اشىلۋىندا ەلباسى نۇرسۇلتان ءابىش ۇلى نازارباەۆتىڭ «اباي – الەم مويىنداعان دانا ۇستاز، اقىن جانە ادام­زاتتىڭ دانىشپانى. دانىشپان ابايدىڭ ۇلى­لىعى مەن ەرەكشەلىگى، تاباندىلىق پەن ماق­ساتتىلىقتى دارىپتەپ جانە ونى ءوز ۇلتى­نىڭ ساناسىنا ەنگىزە وتىرىپ، ۇلتتىق رۋحتى بۇرىن-سوڭدى بولماعان بيىككە كوتەردى. ءبىز اباي سياقتى ماقتان تۇتاتىن رۋحاني تىرەگىمىزدىڭ بارىنا العىس ايتۋىمىز كەرەك» دەگەن سوزىنە كوڭىل اۋداردى.

«بۇگىن ەلىمىزدە ساياسي-ەكونوميكالىق جانە رۋحاني دامۋعا باعىتتالعان «رۋحاني جاڭعىرۋ» باعدارلاماسى مەن « ۇلى دالانىڭ جەتى قىرى» ماقالاسى اياسىندا قولعا الىنىپ وتىرعان شارالار حالىقتىڭ رۋحاني دا­مۋىنا نەگىز بولىپ وتىر. ۇلى ابايدىڭ شى­عار­ماشىلىعى قازىرگى تاڭدا جاستار اراسىندا وتانعا، تىلگە، ەڭبەككە دەگەن سۇيىسپەنشىلىكتى ارتتىرادى. اقىننىڭ مەرەيتويىن تويلاۋ حالىقتىڭ رۋحاني جانە ادامگەرشىلىك دامۋىنا ءوز ۇلەسىن قوسادى»، دەدى گ.ابدىقالىقوۆا.

مەرەيتوي اياسىندا حالىقارالىق، رەس­پۋب­ليكالىق جانە وڭىرلىك دەڭگەيدە 500-گە جۋىق ءىس-شارا وتكىزۋ جوسپارلانىپ، كوميسسيا وتىرىسىندا ولاردى ۇيىمداستىرۋ جاعى تالقىلاندى. اتاپ ايتار بولساق، نۇر-سۇلتان قالاسىندا حالىقارالىق عىلىمي-تاجىريبەلىك كونفەرەنتسيا ۇيىمداستىرىلىپ، پاريجدەگى يۋنەسكو-نىڭ شتاب-پاتەرىندە «اباي» كوركەم ءفيلمى كورسەتىلمەك. سونىمەن قاتار اباي شىعارمالارىن شەتەل تىلدەرىنە اۋدارۋ، اباي ءۇيى-مۋزەيىنىڭ جان-جاقتى تانىستىرىلىمى، «جيدەباي-ءبورىلى» مەملەكەتتىك تاريحي-مادەني جانە ادەبي-مەموريالدىق مۋزەي-قورىعىنىڭ عىلىمي-رەستاۆراتسيالىق جۇمىستارىن جۇرگىزۋ، ابايدىڭ اكەسى قۇنان­باي­دىڭ تۇلعالىق ماڭىزى مەن تاريحي-مادەني ءرولىن ارتتىرۋ كوزدەلىپ وتىر. بۇعان قوسا بۇگىن­دە الەۋمەتتىك جەلىلەردە ءساتتى ىسكە اسى­رىلعان #Abai175 چەللەندجى جاھاندىق فورماتتا جالعاسىن تاپپاق.

وتىرىس سوڭىندا پرەمەر-ءمينيستردىڭ ورىنباسارى گ.ابدىقالىقوۆا مەملەكەتتىك ور­گاندارعا بىرقاتار تاپسىرما بەردى.

سوڭعى جاڭالىقتار

ەگەمەندىكتەر ەلگە شىقتى

قازاقستان • بۇگىن، 11:19

ەلوردا ورتالىعىندا اۆتوكولىك ورتەندى

قازاقستان • 15 قاراشا، 2019

ءباسپاسوز ءرولى – باستى ماسەلە

ادەبيەت • 15 قاراشا، 2019

قازاقستانعا شەتەلدىك بانكتەر كەلەدى

ەكونوميكا • 15 قاراشا، 2019

قوستاناي فيلارمونياسىنا 75 جىل تولدى

رۋحانيات • 15 قاراشا، 2019

جاڭا ۇلگىدەگى كولىكتەر

قوعام • 15 قاراشا، 2019

ۇقساس جاڭالىقتار