قوعام • 18 شىلدە، 2019

الماتىدا پوليسيا، جەدەل جاردەم، ءورت ءسوندىرۋ ورتالىقتارى بىرىكتىرىلەدى

119 رەتكورسەتىلدى

قوعامدىق كەڭەستىڭ وتىرىسىندا الماتى قالاسى اكىمىنىڭ ورىنباسارى ەرلان اۋكەنوۆ ءبىرىڭعاي 112 ديسپەچەرلىك قىزمەتتىڭ جوباسى تۋرالى ايتىپ بەردى. بۇل تۋرالى قازاقپارات حابارلادى.

جوبانى ىسكە قوسۋ 2019 جىلدىڭ جەلتوقسان ايىنا جوسپارلانعان. ؛

«جىل سوڭىنا دەيىن جاڭا جوبانى قوسۋدى جوسپارلاپ وتىرمىز. 101، 102، 103 قوڭىراۋلارى ءبىرىڭعاي 112 قىزمەت تۇرىنە بىرىكتىرىلەتىن بولادى. بۇل حالىقارالىق تاجىريبە. سونداي-اق شاقىرۋ جانە قىزمەت كورسەتۋ ۋاقىتى ەكى ەسەگە قىسقارادى»، دەيدى ەرلان اۋكەنوۆ. ؛

102 قىزمەتىنە قوڭىراۋ كوپ تۇسەتىن بولعاندىقتان، جۇمىسقا قوسىمشا وپەراتورلار الىنعان. ؛

«تالداۋ جاسادىق. قوڭىراۋلارعا قاتىستى شاعىمدار مەن ەسكەرتۋلەر كوپ بولدى. قىزمەت كورسەتۋ ساپاسىمەن، تەلەفونمەن سويلەسۋ جايىندا ماسەلەلەر تۋىندادى. ءبىز 10 ورىندى 14-كە كوبەيتتىك. سونداي-اق وپەراتورلاردىڭ ەڭبەكاقىسىن 35 مىڭنان 90 مىڭ تەڭگەگە دەيىن كوتەردىك. قوسىمشا تاعى 4 وپەراتور جۇمىسقا الىندى»، دەدى ول. ؛

ونىڭ ايتۋىنشا جارتى جىلدا 102 قىزمەتىنە 377 مىڭ ادام قوڭىراۋ شالعان. ولاردىڭ ءبارى تەكسەرىلىپ جاتىر. بۇگىنگى كۇنگە دەيىن تەلەفوندى كوتەرمەۋ نەمەسە تاستاي سالۋ تۋرالى شاعىمدار تۇسكەن جوق. بۇدان باسقا، الماتى قالاسى اكىمىنىڭ ورىنباسارى، بيىلعى جىلدىڭ كۇزىندە الماتى قالاسىنىڭ بارلىق اۋداندىق پوليسيا بولىمدەرىندە 12 زاماناۋي فرونت-كەڭسەلەر اشىلاتىنىن ايتتى. العاشقى فرونت-كەڭسە قانتار ايىندا تۇركسىب اۋدانىندا اشىلعان. فرونت-كەڭسەلەر پوليسيا بولىمشەسىنە كەلگەن ادامدارعا ىڭعايلى. ولار وزدەرىنە تيەسىلى قىزمەتتى زاماناۋي جابدىقتالعان، ۇلكەن كەڭسەدە الىپ جاتىر. ؛

«بىز ء«بىر تەرەزە» قاعيداتى بويىنشا قولايلى جاعداي جاساي الاتىن ۇلكەن، ادەمى فرونتالدى كەڭسە اشتىق. وتە قولايلى، كۇتۋ ۋاقىتى 1 ساعات 20 مينۋتقا دەيىن كەمىدى، مەكەمەدە سىبايلاس جەمقورلىق ازايىپ، جارتى جىلدا 15 مىڭ ادام جاڭا كەڭسەدەن قىزمەتتەرىن الدى»، دەيدى قالا اكىمىنىڭ ورىنباسارى.


باننەر
سوڭعى جاڭالىقتار

يمپورتتان نە ۇتتىق؟

ەكونوميكا • كەشە

«ەكى جۇلدىز» بايقاۋى الماتىدا باستالدى

رۋحانيات • 20 قىركۇيەك، 2019

تارازدا جەدەل بايلانىس ورتالىعى اشىلدى

ايماقتار • 20 قىركۇيەك، 2019

ليساكوۆتىڭ «بايتەرەگى»

ايماقتار • 20 قىركۇيەك، 2019

گوبەلەن – تەكتى ونەردىڭ تۋىندىسى

رۋحانيات • 20 قىركۇيەك، 2019

«مادەني قابات» جويىلعان جوق

قوعام • 20 قىركۇيەك، 2019

شاحماردان تەربەلگەن تالبەسىك

رۋحانيات • 20 قىركۇيەك، 2019

ۇقساس جاڭالىقتار