جاڭا تەحنولوگيا سال بولىپ قالعان ادامدارعا كومپيۋتەرلەر مەن سمارتفونداردى قولدانۋعا مۇمكىندىك بەرەدى.
يننوۆاتسيانىڭ نەگىزى بويىنشا قالىڭدىعى نەبارى 4-6 مكم بولاتىن جىپتەر ينەنىڭ كومەگىمەن باسقا ەنگىزىلەدى. ول ارقىلى ميداعى اقپاراتتاردى وقۋعا بولادى.
مۇنداي جىپتەرمەن جۇمىس ىستەۋ قيىن بولعاندىقتان Neuralink نەيروحيرۋرگيالىق روبوت جاساۋعا ءماجبۇر بولدى. ول اۆتوماتتى رەجيمدە مينۋتىنا 192 ەلەكترودپەن 6 جىپكە دەيىن قىسا الادى. ونىڭ باستى ارتىقشىلىعى – ميدىڭ قابىنۋ رەاكتسيالارىن ازايتۋعا ىقپال ەتەدى.
سونداي-اق Neuralink جىپتەردىڭ كومەگىمەن اقپارات الۋ ءۇشىن ارنايى چيپ شىعاردى. قازىر ول USB-C ارقىلى كومپيۋتەرمەن اقپارات الماسا الادى. كومپانيا ەندىگى كەزەكتە سىمسىز جۇمىس ىستەيتىن نۇسقانى قاراستىرىپ جاتىر. بۇل جاعدايدا جۇيەنى سمارتفونمەن باسقارۋعا بولادى.
ءدال قازىر بۇل ەكسپەريمەنت تەك ەگەۋقۇيرىقتارعا جۇرگىزىلدى. ولارعا 1500-گە جۋىق ەلەكترود ءساتتى ەنگىزىلدى. ناتيجەسىندە Neuralink جۇيەسىمەن اقپارات الماسۋ جىلدامدىعى نارىقتاعى انالوگتاردىڭ جىلدامدىعىنان 10 ەسە اسىپ ءتۇستى.
مۇنداي ەسپەريمەنت ادامدارعا 2020 جىلدىڭ ەكىنشى جارتى جىلدىعىندا جاسالادى دەپ كۇتىلۋدە. عالىمدار ول ۋاقىتتا جىپتەردى لازەردىڭ كومەگىمەن ەنگىزبەكشى. ايتۋلارىنشا, ول كەزدە قازىرگىدەي باس سۇيەگىن تەسپەيتىن بولادى.
