«سلاۆيان بازارى» XXVIII حالىقارالىق ونەر فەستيۆالى ۆيتەبسكىدە شىلدەنىڭ 11-15-ءى ارالىعىندا ءوتتى. وسىدان ءتورت جىل بۇرىن «سلاۆيان بازارى-2015» حالىقارالىق فەستيۆالىندە ديماش قۇدايبەرگەن تۇڭعىش رەت گران-ءپريدى جەڭىپ السا, 2018 جىلى ەرنار سادىرباي ءبىرىنشى جۇلدەگە يە بولعان ەدى.
بولگاريا, يزرايل, قىتاي سىندى 15-كە جۋىق مەملەكەتتەن جيىلعان ونەرپازداردىڭ اراسىنان العا سۋىرىلىپ شىققان جەرلەسىمىز ءادىلحان ماكين 2 تۋردا 178 ۇپاي جيناپ, ۇزدىك اتاندى. ءوزىنىڭ كەڭ دياپازوندى داۋىسىمەن, اكتەرلىك شەبەرلىگىمەن ءدۇيىم جۇرتتىڭ جانە قازىلار القاسىنىڭ جۇرەگىن جاۋلاپ العان ءادىلحان «ۆيتەبسك» تەلەراديوكومپانياسىنىڭ تىلشىلەرىنە بەرگەن سۇحباتىندا جەڭىسىن قازاقستاندىقتارعا, جاستارعا ارنايتىنىن ايتتى. ال, رەسەي فەدەراتسياسىنىڭ جانە گرۋزيانىڭ حالىق ءارتىسى جانە «سلاۆيان بازارى-2019» فەستيۆالىنىڭ قازىلار القاسىنىڭ مۇشەسى تامارا گۆەردتسيتەلي جەرلەسىمىزدىڭ بويىنداعى تالانتىنا ءسۇيسىنىپ, دۇرىس تاڭداۋ جاسالعانىن اتاپ ءوتتى.
ءادىلحان پەتروپاۆل قالاسىندا تۋعان, وسىندا مەكتەپ بىتىرگەن.
