امەريكالىق حيۋستون-داۋنتاۋن ۋنيۆەرسيتەتىنىڭ وقىتۋشىسى شاحناز ساۆاني اتالعان وقۋ ورنىندا «ورتالىق ازياداعى سۋيتسيد: قاۋىپ مەن قورعاۋ فاكتورلارىن جۇيەلى زەرتتەۋ» تاقىرىبىندا لەكتسيا وقىدى.
باياندامادا اتاپ وتىلگەندەي, الەمدە جىلىنا 1,5 ميلليون ادام وزىنە قول جۇمساپ, ومىرىمەن قوشتاسادى ەكەن. ونىڭ 76 پروتسەنتى تابىسى ورتا جانە تومەن ەلدەرىندە جاسالسا, 60 پروتسەنتى ازيا ەلدەرىندە ورىن الادى.
ورتالىق ازيانىڭ وزگە ەلدەرىمەن سالىستىرعاندا, قازاقستاندا وزىنە قول جۇمسايتىندار سانى كوپ - 48,1 پروتسەنتتى قۇرايدى. بۇل كورسەتكىش تۇركىمەنستاندا 15,8 پروتسەنت, وزبەكستاندا 13,6 پروتسەنت, قىرعىزستاندا 13,4 پروتسەنت. تاجىكستاندا تومەنىرەك - 7,2 پروتسەنت.
شاحناز ءساۆانيدىڭ پىكىرىنشە, ايماقتا حالىقتىڭ كوبى يسلام ءدىنىن ۇستاناتىنىنا قاراماستان, جانىن قيۋ كورسەتكىشى تومەندەگەن ەمەس.
