ساياسات • 15 شىلدە، 2019

ۋچاسكەلىك ينسپەكتورلارعا ارتىلاتىن جۇك اۋىر

131 رەتكورسەتىلدى

ۋچاسكەلىك پوليتسيا ينسپەكتورلارىنىڭ جۇمىسى حالىقپەن تىعىز قارىم-قاتىناستا قۇرىلادى. قوعامدىق ءتارتىپتى ساقتاۋدا ءاردايىم الدىڭعى شەپتە تۇراتىن ولاردىڭ قىزمەتى قاشاندا وزەكتى.

ۋچاسكەلىك پوليتسيا ينسپەكتورلارىنىڭ تىكەلەي جۇمىسى ارقىلى جىل سايىن 40 مىڭعا جۋىق قىلمىس اشىلادى. بۇگىنگى كۇنى ۋچاسكەلىك پوليتسيا ينسپەكتورلارىنىڭ باقىلاۋىندا ەسەپتە تۇرعان 166 مىڭعا جۋىق ادام، 8،5 مىڭ قولايسىز وتباسى جانە 7 مىڭعا جۋىق كامەلەتكە تولماعاندار بار.

قىزمەتتىڭ وسى باعىتىن دامىتۋ ماقساتىندا ءىىم-دە مينيستر ەرلان تۇرعىمباەۆتىڭ باستاماسىمەن ءىىو ماسەلەلەرى جونىندەگى قوعامدىق كەڭەس جانە قر ءىىو قىزمەتكەرلەرىن الەۋمەتتىك قولداۋ قورى، اكىمشىلىك پوليتسيا كوميتەتى باسشىلارىنىڭ، سونداي-اق ەلىمىزدىڭ بارلىق وڭىرلەرىنەن كەلگەن 250-دەن استام ۋچاسكەلىك ينسپەكتورلاردىڭ قاتىسۋىمەن ۋچاسكەلىك پوليتسيا ينسپەكتورلارىنىڭ رەسپۋبليكالىق سلەتى ۇيىمداستىرىلدى.

مينيستر ۋچاسكەلىك ينسپەكتورلاردىڭ قىزمەتىن نىعايتۋ بويىنشا جۇيەلى شارالار قابىلداناتىنىن جانە وسى باعىتتىڭ ءبىرى – جالاقى مەن تۇرعىن ءۇي تولەمدەرىن ارتتىرۋ ەكەنىن اتاپ ءوتتى.

– مەملەكەتتىك باسقارۋدى جاڭعىرتۋ، جەرگىلىكتى ءوزىن ءوزى باسقارۋدى دامىتۋ ءبىزدىڭ ارقايسىمىزدىڭ الدىمىزعا جاڭا مىندەتتەر قويىپ وتىر. ءاربىر جەكە قىزمەتكەر حالىق اراسىندا پوليتسەيلەردىڭ ۇجىمدىق بەينەسىن قالىپتاستىراتىنىن ءاردايىم ەستە ساقتاۋ قاجەت. سوندىقتان الدىمەن ۋچاسكەلىك پوليتسيا ينسپەكتورى ۇلگى بولۋى، قۇقىق بۇزۋشىلىقتارعا توزبەۋشىلىك تانىتۋى، ءتارتىپ پەن ەتيكا نورمالارىن بۇزۋعا جول بەرمەۋى ءتيىس. العاش رەت ەلىمىزدىڭ ازاماتتارى باق پەن الەۋمەتتىك جەلىلەردە داۋىس بەرۋ ارقىلى ەڭ ۇزدىكتەردى تاڭدادى. داۋىس بەرۋشىلەردىڭ بەلسەندىلىگى قوعامنىڭ پوليتسيا جۇمىسىن جاقسارتۋعا دەگەن قىزىعۋشىلىعىنىڭ جوعارى ەكەنىن كورسەتەدى، – دەپ اتاپ ءوتتى ىشكى ىستەر ءمينيسترى.

كەزدەسۋ بارىسىندا ىشكى ىستەر ءمينيسترى رەسپۋبليكالىق ماڭىزى بار قالالارداعى، وبلىستىق ماڭىزى بار قالالارداعى جانە اۋىلدىق جەرلەردەگى «پوليتسيانىڭ ۇزدىك ۋچاسكەلىك پۋنكتتەرى» جانە «پوليتسيانىڭ ۇزدىك ۋچاسكەلىك ينسپەكتورلارى» بايقاۋىنىڭ جەڭىمپازدارىن ماراپاتتادى. جەڭىمپازدارعا مەرزىمىنەن بۇرىن اتاقتار بەرىلىپ، مەدالدار مەن قۇرمەت گراموتالارى تابىس ەتىلدى.

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار