« ۇلى ابايدىڭ 175 جىلدىعىنا وراي باستالعان جىر ەستافەتاسىن #TWESCO پرەزيدەنتى Darhan Qydyráli مىرزادan قابىلداپ الدىم. ەندى ەستافەتانى ساحا ەلىنىڭ اقىن قىزى ناتاليا حارلامپەۆاعا, قىرىمدىق زەرا بەكيروۆاعا جانە ءوزىمىزدىڭ Ekber Qoşalı-عا جولدايمىن. ۇلى ابايدىڭ 175 جىلدىعى كۇتتى بولسىن!!!» دەلىنگەن حابارلامادا.
ەسكە سالا كەتسەك, حالىقارالىق تۇركى اكادەمياسىنىڭ پرەزيدەنتى دارحان قىدىرالى بەلگىلى ماناسشى, قىرعىزستاندىق رىسباي يساكوۆقا, ازەربايجاندىق تانىمال جۋرناليست ايدا ەيۆازوۆاعا, ەۋرازيا جازۋشىلار وداعىنىڭ توراعاسى, تۇركيالىق Yakup Ömeroğlu جانە بەلگىلى ابايتانۋشى عالىم Garifolla Yessim مىرزالارعا جولداعان بولاتىن.
ايدا ەيۆازوۆادان بولەك بۇل ەستافەتاعا تۇركيالىق Yakup Ömeroğlu دا ءۇن قاتتى. ەۋرازيا جازۋشىلار وداعىنىڭ توراعاسى ياكۋب ومەروعلۋ ءوز پاراقشاسىندا ابايدىڭ ولەڭىن وقىعان ۆيدەوسىن جاريالادى.
«تۇركى اكادەمياسىنىڭ پرەزيدەنتى, قۇرمەتتى پروفەسسور دارحان قىدىرالى قازاقتىڭ ۇلى اقىنى, ويشىل اباي قۇنانبايدىڭ 175 جىلدىعىنا ارنالعان ەستافەتانى جولدادى. مەن دە تاتارستاننىڭ حالىق جازۋشىسى ركايل زايدۋللاعا, يراكتىڭ "باۋىرلاستىق" جۋرنالىنىڭ باس رەداكتورى, پروفەسسور, دوكتور مەحمەت ءومىر كازاندجىگە جانە پامۋككالە ۋنيۆەرسيتەتىنىڭ فاكۋلتەت دەكانى, پروفەسسور, دوكتور نەرگىس بىرايعا ەستافەتامدى جولدايمىن» دەپ جازدى ول ءوز پوستىندا.
