ونىڭ ايتۋىنشا, بۇگىندە ارىس قالاسىندا 16 تەحنيكا مەن 65 ادام كەزەكشىلىكتە ءجۇر. سونىمەن بىرگە ول تۇرعىندارعا گاز بالوندارىن قولدانۋدا ءورت قاۋىپسىزدىگىن ساقتاۋ كەرەكتىگىن ەسكەرتتى.
قر قورعانىس مينيسترلىگىنىڭ وكىلى, پولكوۆنيك قايىرگەلدى حۋساينوۆ ارىس قالاسى مەن ونىڭ ماڭىنداعى 20 شاقىرىم اۋماقتا تەكسەرۋ, مونيتورينگ جۇمىستارى جۇرگىزىلىپ جاتقانىن مالىمدەدى. اسكەري قويماعا جاقىن تۇستا مال جايۋعا بولمايتىنىن ايتتى. سەبەبى, مۇندا ءالى دە تازالاۋ جۇمىستارى جالعاسىپ جاتىر.
«سامۇرىق-قازىنا» ءال-اۋقات قورى «نىساندار قۇرىلىسى جونىندەگى كومپانيا» كورپوراتيۆتىك قورىنىڭ باس ديرەكتورى ارمان جەتپىسباي «سامۇرىق-قازىنا» ءال-اۋقات قورىنا 66 الەۋمەتتىك نىساننىڭ قۇرىلىسى تاپسىرىلدى. ونىڭ ىشىندە 54 ءبىلىم مەكەمەسى, 8 دەنساۋلىق ساقتاۋ نىسانى, 4 سپورت نىسانى بار. 62 نىسان ءارتۇرلى دەڭگەيدە كۇردەلى جوندەۋدەن وتسە, 4 نىسان باسىنان تۇرعىزىلادى. بۇگىندە قۇرىلىس اۋماعىندا30 مەردىگەر, 49 تەحنيكا جانە 1300-دەن استام قۇرىلىسشى جۇمىلدىرىلعان. ءبارىن ۋاقتىلى ءارى ساپالى اياقتايمىز», – دەدى ا. جەتپىسباي.
ال ارىس قالاسىنىڭ اكىمى مۇرات قادىربەك قۇرىلىس جۇمىستارى جوعارى قارقىندا قولعا الىنعانىن, قالا قالىپتى ومىرگە ورالىپ كەلە جاتقانىن جەتكىزدى. سونىمەن بىرگە ول اتىراۋ جانە جامبىل وبلىسىنا تيەسىلى سەكتورلاردا جۇمىس ىلگەرىلەۋ ەكەنىن مالىمدەدى.
