يندۋستريا جانە ينفراقۇرىلىمدىق دامۋ مينيسترلىگىنىڭ مالىمەتتەرىنشە, 4 مىڭنان استام قۇرىلىسشى مەن 186 بىرلىك ارنايى تەحنيكا قازىرگى تاڭدا تاعى 2725 جەكە تۇرعىن ءۇي قۇرىلىسى مەن كپتۇ نىسانىن قالپىنا كەلتىرۋدە. كۇن سايىن قالپىنا كەلەتىن ۇيلەردىڭ سانى 70-90-عا كوبەيدى. 9 شىلدەدەگى جاعداي بويىنشا قۇرىلىس بريگادالارى 2640 تۇرعىن ءۇيدى, ال ءبىر كۇن بۇرىن 2566 تۇرعىن ءۇيدى جوندەۋ جۇمىستارىمەن قامتىدى.
ەستەرىڭىزگە سالا كەتەيىك, ارىس 17 سەكتورعا ءبولىنىپ, ءار ءوڭىر مەن رەسپۋبليكالىق ماڭىزى بار قالاعا بەكىتىلگەن. 2019 جىلعى 6 شىلدەدە پرەمەر-ءمينيستردىڭ ورىنباسارى جەڭىس قاسىمبەك, يدم ۆيتسە-ءمينيسترى قايىربەك وسكەنباەۆ پەن تۇركىستان وبلىسىنىڭ اكىمى ومىرزاق شوكەەۆ اكىمدىكتەردىڭ وكىلدەرىمەن كەڭەس وتكىزىپ, جاۋاپتى تۇلعالاردى قالانى قالپىنا كەلتىرۋ قارقىنىن جەدەلدەتۋدى سۇرادى.
بارلىق ب ۇلىنگەن جانە بۇزىلعان نىساندار 2019 جىلدىڭ 1 تامىزىنا دەيىن تاپسىرىلۋى ءتيىس. قر يدم ۆيتسە-ءمينيسترى قايىربەك وسكەنباەۆتىڭ ايتۋىنشا, ۇيلەردىڭ مونيتورينگى مەن قۇرىلىس بارىسىن باقىلاۋ كۇن سايىن جۇرگىزىلەدى.
