فرانتسيادا كەلەسى جىلدان باستاپ جاڭا ەكولوگيالىق سالىق ەنگىزىلەدى. ەلدەن ۇشىپ شىعاتىن ءاربىر رەيس بيلەتىنەن تىركەلگەن سوما الىناتىن بولادى. ەۋروپالىق وداق اۋماعىندا ەكونوم كلاسسپەن ۇشاتىن جولاۋشىلار - 1,5 ەۋرو, بيزنەس كلاسسپەن ۇشاتىندار - 9 ەۋرودان تولەيدى. ال ەۋرووداقتان تىس جەرلەرگە باراتىندار ءۇشىن سالىق مولشەرى 3 جانە 18 ەۋرونى قۇرايدى. ايتا كەتۋ كەرەك, بۇل شارا ترانزيتتىك رەيستەرگە قولدانىلمايدى.
كەلەسى جىلى جاڭا ەنگىزىلگەن سالىق ەسەبىنەن 180 ميلليون ەۋرودان استام قارجى جينالادى دەپ كۇتىلۋدە. اتالعان قارجى قورشاعان ورتاعا زيان كەلتىرەتىن كولىك ينفراقۇرىلىمى مەن تەمىر جولداردى دامىتۋعا باعىتتالاتىن بولادى. فرانتسيا جاڭا قابىلدانعان ەكولوگيالىق سالىقتى ەۋرووداقتىڭ باسقا ەلدەرىنە دە ەنگىزۋگە نيەتتى.
