«جاعدايدى ەسكەرە كەلە ءورت سوندىرەتىن 4 ۋچاسكە بەلگىلەندى. بارىنەن بۇرىن شاتىردىڭ وزگەشە جوبالانۋى ءبىرشاما قيىندىق تۋعىزدى, ونىمەن بىرگە جىلدامدىعى 13 م/س بولاتىن جەل دە ءورتتى سوندىرۋگە ايتارلىقتاي كەدەرگى جاسادى. جالىن 21:56-دا اۋىزدىقتالىپ, 23:02-دە ءسوندىرىلدى. ءتىلسىز جاۋ 600 شارشى مەتر اۋماقتى شارپىدى. وقيعا سالدارىنان ءۇيدىڭ شاتىرى ءىشىنارا ورتەنىپ كەتتى, سونداي-اق كەشەننىڭ مانسارد قاباتىندا ورنالاسقان 4 پاتەر ءب ۇلىندى» دەلىنگەن حابارلامادا.
زارداپ شەككەندەر جوق. قىزىل جالىننىڭ ءۇيدىڭ باسقا اۋماقتارىنا تاراپ كەتۋىنە جول بەرىلمەدى. ءورتتى اۋىزدىقتاۋعا ەلوردالىق توتەنشە جاعداي دەپارتامەنتىنىڭ 67 قىزمەتكەرى مەن 13 تەحنيكاسى جۇمىلدىرىلدى. وقيعا ورنىندا 3 ادامنان تۇراتىن اپاتتىق مەديتسينا ورتالىعى بريگاداسى, پوليتسيادان 8 ادام مەن 3 تەحنيكا جانە جەدەل جاردەم بريگاداسى جۇمىس ىستەدى.
