قىزىلوردا قالاسىنىڭ ىرگەسىندەگى «سابالاق» ساياجايىنىڭ ماڭىنداعى اعىسى قاتتى كانالعا سۋعا تۇسكەن 55 جاستاعى ازامات سۋعا كەتىپ قالدى. دەنەسىن «وڭتۇستىك وڭىرلىك اەروۇتقىر جەدەل قۇتقارۋ جاساعى» مەكەمەسىنىڭ ماماندارى تاۋىپ, جاعاعا شىعاردى.
كەشقۇرىم ۋاقىتتا رۇقسات ەتىلمەگەن جەردە سۋعا تۇسكەن 15 جاسار قىز بالا دا ءتىلسىز جاۋدىڭ قۇربانى بولدى.
جىل باسىنان بەرى وبلىستا وسىنداي 17 وقيعا تىركەلگەن ەكەن. ءولىمنىڭ قاي-قايسىسى دا ايانىشتى دەگەنىمەن, وسى ادامداردىڭ قاتارىندا سەگىز بالانىڭ بولعانى وزەكتى ورتەيتىن وكىنىش.
وڭىرلىك كوممۋنيكاتسيالار قىزمەتىندە وتكەن ءباسپاسوز كونفەرەنتسياسىندا «وڭتۇستىك ءوڭىرلىك اەروۇتقىر جەدەل قۇتقارۋ جاساعى» مەملەكەتتىك مەكەمەسىنىڭ باسشىسى باقىت ەمبەرگەنوۆ كەيىنگى كەزدەرى سۋعا تۇسۋدەن ءجيىلەگەن قايعىلى قازالار جايىندا ايتتى.
«وبلىستىڭ سۋ ايدىندارىندا, اسىرەسە, سىرداريا وزەنىندە جىلدا ازاماتتاردىڭ ءارتۇرلى سەبەپتەرمەن قايعىلى جاعدايلارعا ۇشىراۋى, ونىڭ ىشىندە سۋعا شومىلۋ ماۋسىمىندا سۋداعى ادام قازاسى وزەكتى ماسەلە بولىپ وتىر. وتكەن جىلى سۋعا 22 ادام كەتكەن. ايتار بولساق, 3 ادام بالىق اۋلاۋ كەزىندە, 9 ادام سۋعا تۇسۋگە ارنالماعان جەردە, وقىس جاعدايداي 2 ەرەسەك, 2 بالا, بەلگىسىز جاعدايدا 1 ادام كوز جۇمدى.
سۋدا ادامداردىڭ قازا بولۋىنا قاۋىپسىزدىك ەرەجەلەرىن ورەسكەل بۇزۋ سەبەپ بولادى. اتاپ ايتساق, وزەن نەمەسە كانالداردىڭ كەز-كەلگەن, ءارى زەرتتەلمەگەن, اعىسى جىلدام, تەرەڭ, جاعالارى تىك جار جەرلەرىنە سۋعا ءتۇسۋى, بالالاردىڭ ەرەسەكتەردىڭ باقىلاۋسىز سۋ جاعاسىنا بارۋى مەن سۋعا ءتۇسۋى جانە ولاردىڭ جۇزە بىلمەگەندىگى قايعىلى وقيعالارعا اكەلىپ سوقتىرىپ جاتىر. بۇعان قوسا, سۋعا ءتۇسۋ قاۋىپتى ايماقتاردا ازاماتتاردىڭ رۇقسات ەتىلمەگەن ءجۇزۋ قۇرالدارىن قولدانۋى جانە العاشقى كومەك كورسەتۋ تاسىلدەرىن بىلمەيتىندىگى دە سۋ ايدىندارىندا وقىس جاعدايلاردىڭ سانىنىڭ كوبەيۋىنە ىقپالىن تيگىزۋدە. دەپارتامەنت جانە ونىڭ بولىمشەلەرى 2019 جىلدىڭ باسىنان ازاماتتاردىڭ سۋدا قاۋىپسىزدىك شارالارىن ساقتاۋ باعىتىندا جۇمىستار جۇيەلى تۇردە جۇرگىزىپ جاتقانىمەن, وكىنىشكە قاراي, وسىنداي جاعدايلار ورىن الدى», دەدى باقىت ەمبەرگەنوۆ.
بۇگىنگە دەيىن جازعى سۋعا ءتۇسۋ ماۋسىمىنان بەرى قاۋىپسىزدىكتى قامتاماسىز ەتۋ ماقساتىندا وبلىستا 420 رەيد وتكىزىلىپ, سونىڭ بارىسىندا 3093 ادامعا ءتۇسىندىرۋ جۇمىسى جاسالىپ, 3192 جادىناما تاراتىلىپتى.
وبلىس بويىنشا وتكەن جىلى 225 جەرگە «سۋعا تۇسۋگە بولمايدى!» دەگەن جازۋى بار ەسكەرتۋ تاقتايلارى ورناتىلعان بولاتىن. قازىر سول تاقتايشادان 157-ءسى عانا قالعان. ويتكەنى تۇرعىندار, اسىرەسە, جاستار وسى ەسكەرتۋ تاقتايشالارىن سىندىرىپ, ورناتىلعان جەرلەرىنەن الىپ تاستايدى. مىسالى, قالا بويىنشا 27 تاقتايشا ورناتىلعان, بيىل سونىڭ 11-ءى عانا قالعان. تاقتايشالارعا نازار اۋدارماستان سۋعا ءتۇسىپ, سۋعا باتۋ فاكتىلەرى ورىن الۋدا.
