اتموسفەرالىق اۋا, توپىراق جانە سۋ سىنامالارىن الۋ جۇمىستارىن جۇرگىزۋ ءۇشىن, «قازگيدرومەت» تۇركىستان جانە قىزىلوردا وبلىستارى بويىنشا ەكى ايماقتىق فيليالدارىنىڭ جىلجىمالى موبيلدىك لابوراتوريالارى ىسكە قوسىلىپ, تەز ارادا توتەنشە جاعدايلار بولعان جەرگە اتتانىپ, ول جاقتا 8 تاۋلىك بولدى. وقيعادان كەيىن ءبىرىنشى تاۋلىكتەردە لابوراتوريا قىزمەتكەرلەرى ارىس قالاسىندا تجم قىزمەتى جانە اكىمشىلىكپەن بىرلەسىپ جۇمىس جاسادى, ال كەيىن ولارعا بەلسەندى ازاماتتار مەن بلوگەرلار قوسىلدى. سونداي-اق, ارىس قالاسىنىڭ كوپشىلىك تۇرعىندارى لابوراتوريا جۇمىسىن باقىلاپ, ماماندار كەڭەسىن جانە اتموسفەرالىق اۋا, توپىراق جانە سۋ جاعدايلارى بويىنشا كەڭەيتىلگەن اقپارات الدى.
27 ماۋسىم مەن 4 شىلدە ارالىعىندا اتموسفەرالىق اۋا, توپىراق, رادياتسيالىق فون, ارىس وزەنى سۋىنىڭ كۇن سايىنعى سىنامالارىندا نورمادان اسۋ بولعان جوق. جوعارى (ەكسترەمالدى جوعارى) لاستانۋ تىركەلمەدى.
نورمادان اسۋ بولماعاندىقتان, «قازگيدرومەت» 2019 جىلعى 5 شىلدەدەن باستاپ, شىلدە ايىنىڭ سوڭىنا دەيىن ارىس قالاسىنىڭ جوسپاردان تىس مونيتورينگىن اپتا سايىنعى نەگىزدە جۇرگىزۋگە كوشەدى.
