تۇساۋكەسەر كەزدەسۋدە يسپاندىق پابلو اندۋحارعا سان سوقتىرىپ كەتكەن جەرلەسىمىز ەكىنشى اينالىمدا دجون يزنەرمەن كەزدەستى. بىردەن ايتا كەتەيىك, بۇل باسەكەنىڭ ءفاۆوريتى امەريكالىق تەننيسشى ەدى. سەبەبى, 34 جاستاعى دجون بىلتىر ءدال وسى تۋرنير جانە اقش-تىڭ اشىق بىرىنشىلىگىندە جارتىلاي فينالعا دەيىن جەتتى. اتر تۋرنيرلەرىندە 14 رەت توپ جارعان ول قازىرگى كەزدە الەمدىك رەيتينگتە 12 ورىندى يەلەنۋدە. ونىڭ ۇستىنە, قوس ويىنشى وسىعان دەيىن ءتورت مارتە كەزدەسىپ, بارلىعىندا يزنەردىڭ مەرەيى ۇستەم بولدى. دەسەك تە سول كەشتە كورتتا كەرەمەت ويىن ورنەگىن كورسەتكەن كۋكۋشكين 6:4, 6:7, 4:6, 6:1, 6:4 ەسەبىمەن جەڭىسكە جەتتى. بۇل كەزدەسۋ 3 ساعات 8 مينۋتقا سوزىلدى.
ءۇشىنشى كەزەڭدە ميحايل كۋكۋشكين يان-لەننارد شترۋففپەن شەبەرلىك بايقاسادى. 29 جاستاعى نەمىس تەننيسشىسى اتر تىزىمىندە 33 ساتىدا تۇر. بيىل ول رولان گارروستىڭ ءتورتىنشى اينالىمىندا كۇش سىناستى. وسىعان دەيىن ايتۋلى ويىنشىلار اراسىندا وتكەن ءۇش باسەكەنىڭ ۇشەۋىندە دە شترۋفف باسىم ءتۇستى. مىنە, ەندى ەسە قايتاراتىن كەز كەلدى.
