32 كوماندانىڭ قاتىسۋىمەن وتەتىن ءدۇبىرلى دودادا قازاقستاننىڭ قوس كومانداسى كۇش سىناسادى. ولار – الماتىنىڭ «قايراتى» مەن رۋدنىيدىڭ «اياتى».
«قايرات» ءتورتىنشى توپتا ونەر كورسەتەدى. قارسىلاستارى – «مۋرسيا» (يسپانيا), كپرف (رەسەي) جانە «بەرەتتوۋيفالۋ» (ۆەنگريا). بۇل باسەكەلەر ماجارستاندا وتەدى.
«ايات» ءۇشىنشى توپقا ءتۇستى. بۇل رەتتە رۋدنىيلىقتار «بارسەلونا» (يسپانيا), «ۆيتيس» (ليتۆا) جانە «تۇمەن» (رەسەي) كلۋبتارىنا قارسى وينايدى. بۇل توپتاعى باسەكەلەر بالتىق جاعالاۋىندا ۇيىمداستىرىلادى.
چەمپيوندار ليگاسىنىڭ نەگىزگى كەزەڭى ۇستىمىزدەگى جىلدىڭ 8-13 قازان ارالىعىندا وتەدى. ءار توپتىڭ ءۇش ۇزدىك كومانداسى ەليتالىق راۋندقا جولداما الادى.
