قالالىق پوليتسيا جاقىندا ەكسترەميستىك قوزعالىستىڭ سانكتسيالانباعان ميتينگىنە قاتىسقانى ءۇشىن بىرنەشە ادامدى ۇستادى.
«قۇقىق قورعاۋشىلار كۇدىك تۋعىزاتىن باسقوسۋلارعا جينالماۋدى ەسكەرتەدى. بۇل ميتينگىگە سانكتسيا بەرىلمەگەن. جاي عانا ءوتىپ بارا جاتقان ادامدارعا قاۋىپ جوق, ارينە. ولار تەك وقيعا ورتاسىندا جۇرمەسە بولدى», دەدى پوليتسيا دەپارتامەنتىنىڭ رەسمي وكىلى سالتانات ازىربەك. ونىڭ ايتۋىنشا, ميتينگتە كەزدەيسوق ادام جۇرمەيدى.
«ادامدار قالاي وسىنداي جاعدايعا ءتۇسىپ قالادى؟ قۇقىق قورعاۋشىلاردىڭ ەسكەرتۋىنە قاراماستان كوپ ادام شوعىرلانعان جولمەن وتۋگە تىرىسادى. كەزدەيسوق ادام بۇلاي ىستەمەسە كەرەك. ەگەر كەزدەيسوق ادام ۇستالسا, ولاردىڭ جەكە تۇلعاسىن انىقتاعان سوڭ ءبىز ازاماتتاردان كەشىرىم سۇرايمىز», دەدى س.ازىربەك.
ايتا كەتۋ كەرەك, بۇگىن پوليتسيا ەكسترەميستىك قوزعالىستى ناسيحاتتاعانى ءۇشىن بىرنەشە ادامدى ۇستاعان بولاتىن.
