قاسىم-جومارت توقاەۆ EXPO-2017 كورمەسىنە جانە احقو باسقارۋ جونىندەگى كەڭەستىڭ جۇمىسىنا بەلسەندى قاتىسقانى ءۇشىن Citigroup باسشىلىعىنا ريزاشىلىق ءبىلدىردى. قازاقستان پرەزيدەنتى بانكتىڭ قازاقستانعا ينۆەستيتسيا تارتۋ جانە يننوۆاتسيالىق جوبالاردى جۇزەگە اسىرۋ ىسىندەگى ۇلەسىن جوعارى باعالادى.
– ءبىز ەلىمىزدىڭ ورنىقتى ەكونوميكالىق دامۋىن قامتاماسىز ەتۋدى قالايمىز جانە ەكونوميكانى ءارتاراپتاندىرىپ جاتىرمىز. بۇل وڭاي مىندەت ەمەس. ونىڭ بارلىق قيىندىعىن تۇسىنەمىز. Citigroup كومپانياسىمەن وسى باعىتتاعى تىعىز ىنتىماقتاستىعىمىزدى جالعاستىرا بەرگىمىز كەلەدى, – دەدى مەملەكەت باسشىسى.
دجۋلي موناكو قاسىم-جومارت توقاەۆتى پرەزيدەنت لاۋازىمىنا سايلانۋىمەن قۇتتىقتاپ, قازاقستان Citigroup كومپانياسىنىڭ ماڭىزدى سەرىكتەسى ەكەنىن اتاپ ءوتتى.
