بەلسەندى جاستاردىڭ اراسىندا ستۋدەنتتەرمەن قوسا مەكتەپ وقۋشىلارى دا بار. ولار قولدارىنا كەتپەن ۇستاپ, قاۋلاپ كەتكەن ارام ءشوپتى تازارتادى. باسقا دا اباتتاندىرۋ, كورىكتەندىرۋ شارالارىنا قاتىسادى.
«مەن «جاسىل ەل» جاساعىنا ءۇشىنشى رەت قاتىسىپ وتىرمىن. تولەنەتىن ەڭبەكاقى مولشەرى قاناعاتتاندىرادى. جۇمىس وتە ۇنايدى», دەيدى م. قوزىباەۆ اتىنداعى سقمۋ-ءنىڭ ستۋدەنتى ءامينا تەمىرحانوۆا..
«جاسىل ەل» جاستار ەڭبەك جاساعىنىڭ مەنەدجەرى انتون شيشكانوۆتىڭ ايتۋىنشا, ونىڭ ساپىندا 16 مەن 29 جاس ارالىعىنداعى كەز كەلگەن جاس ەڭبەك ەتە الادى. 665 جۇمىسكەردىڭ جارتىسى ورمان شارۋاشىلىعى بازاسىنا ورنالاسسا, قالعاندارى «تازا اۋلالار», «كورىكتى شاھار» سىندى ءتۇرلى اكتسيالارعا اتسالىسادى.
جاستار ەكى ماۋسىم بويى جۇمىس ىستەيتىن بولادى. جاساقتىڭ ءار مۇشەسى 75 مىڭ تەڭگە كولەمىندە جالاقى الادى.
سولتۇستىك قازاقستان وبلىسى
