ءبىز بۇعان دەيىن WTA رەيتينگىندە 39 ورىندا تۇرعان قازاقستاندىق يۋليا پۋتينتسەۆا تۇساۋكەسەر كەزدەسۋدە الەمنىڭ ەكىنشى راكەتكاسى ناومي وساكانى 7:6, 6:2 ەسەبىمەن ۇتقانى جايىندا جازعانبىز.
كەلەسى كۇنى ميحايل كۋكۋشكين پابلو اندۋحارمەن كەزدەستى. يسپانيالىق ويىنشى اتر تىزىمىندە جەرلەسىمىزدەن 20 ساتى تومەن تۇرعانىمەن, ونىڭ دا باعىندىرعان بەلەستەرى از ەمەس. دەسەك تە بۇل باسەكەدە كۋكۋشكيننىڭ ۇستەمدىگى ەش كۇمان تۋعىزعان جوق. ءوز قارسىلاسىنان ول 6:3, 6:2, 6:4 ەسەبىمەن باسىم ءتۇستى.
ەكىنشى اينالىمدا يۋليا پۋتينتسەۆا ۇزدىكتەر تىزىمىندە 81 ورىندا تۇرعان شۆەيتساريالىق ۆيكتوريا گولۋبيچپەن شەبەرلىك بايقاسادى. ال الەمنىڭ 58 راكەتكاسى ميحايل كۋكۋشكين امەريكالىق دجون يزنەرمەن شەبەرلىك بايقاسادى. ايەلدەر اراسىنداعى سايىستا جەرلەسىمىزدىڭ فاۆوريت ەكەنى داۋسىز. ال ەرلەر باسەكەسىندە وتانداسىمىزعا وڭاي بولمايدى. سەبەبى, قازىرگى كەزدە الەمدىك رەيتينگتە 12 ورىندى يەلەنىپ وتىرعان يزنەر بىلتىر ءدال وسى تۋرنيردە جانە اقش-تىڭ اشىق بىرىنشىلىگىندە جارتىلاي فينالعا دەيىن جەتكەن.
