ەسىل اۋدانىنىڭ اكىمى قىزمەتىنە بەرىك جاكەنوۆتىڭ كانديداتۋراسى ۇسىنىلدى. ءماسليحات دەپۋتاتتارى ۇسىنىلعان كانديداتۋرانى ءبىراۋىزدان ماقۇلدادى.
بەرىك ورال ۇلى جاكەنوۆ 1978 جىلعى 25 تامىزدا تسەلينوگراد قالاسىندا دۇنيەگە كەلگەن. «ەكونوميست» ماماندىعى بويىنشا شاكارىم اتىنداعى سەمەي مەملەكەتتىك ۋنيۆەرسيتەتىن اياقتاعان, قازتۇتىنۋوداعىنىڭ قاراعاندى ەكونوميكالىق ۋنيۆەرسيتەتىندە «مەملەكەتتىك جانە جەرگىلىكتى باسقارۋ» ماماندىعى بويىنشا ەكونوميكا عىلىمدارىنىڭ ماگيسترى دارەجەسىن العان.
ەڭبەك جولىن 2000 جىلى اقمولا وبلىسى كوكشەتاۋ قالاسىنىڭ سالىق پوليتسياسى ورگاندارىنان باستاعان.
2001 جىلى قازاقستان رەسپۋبليكاسىنىڭ قارۋلى كۇشتەرىنىڭ 83205 ءا/ب قىزمەت ەتكەن. استانا قالاسى بويىنشا سالىق كوميتەتىنىڭ اقپاراتتىق جۇيەلەردى ەنگىزۋ جانە سۇيەمەلدەۋ ءبولىمىنىڭ مامانى, قازاقستان رەسپۋبليكاسىنىڭ سالىقتىق ورگاندارىندا ۇلكەن قىزمەت ءوتىلى بار.
2007-2009جج. قاراعاندى وبلىسى اكىمىنىڭ كەڭەسشىسى بولدى.
2009 جىلى قاراعاندى وبلىسى بويىنشا سالىق دەپارتامەنتى باستىعىنىڭ ورىنباسارى لاۋازىمىنا تاعايىندالدى.
2010 جىلى استانا ق. «نۇر وتان» حدپ حاتشىلىعىنىڭ مەڭگەرۋشىسى, 2011-2014 جىلدارى قازاقستان رەسپۋبليكاسىنىڭ قارجى مينيسترلىگىندە قىزمەت ەتىپ, كەيىن استانا قالاسى بويىنشا مەملەكەتتىك كىرىستەر دەپارتامەنتىنىڭ «سارىرارقا» اۋدانى بويىنشا سالىق باسقارماسىن باسقاردى.
2015 جىلى قازاقستان رەسپۋبليكاسى پرەزيدەنتى اكىمشىلىگى باسشىسى حاتشىلىعىنىڭ مەڭگەرۋشىسىنىڭ ورىنباسارى قىزمەتىنە تاعايىندالدى. قازاقستان رەسپۋبليكاسى پرەزيدەنتى اكىمشىلىگى مەملەكەتتىك باقىلاۋ جانە اۋماقتىق-ۇيىمداستىرۋ جۇمىسى ءبولىمىنىڭ مەملەكەتتىك ينسپەكتورى لاۋازىمىن اتقاردى.
2016 جىلعى قازاننان باستاپ وسى كۇنگە دەيىن نۇر-سۇلتان قالاسى اكىمى اپپاراتىنىڭ باسشىسى بولدى.
