«№2 قالالىق بالالار اۋرۋحاناسىندا بالالاردىڭ ەمىنە قاجەتتى بارلىق جاعداي جاسالعان. بىلىكتى مامانداردى شاقىردىق, مۇندا مەديتسينالىق اپپاراتتار مەن ءدارى-دارمەك تە جەتكىلىكتى. بالالاردىڭ جاعدايى مەنىڭ جەكە باقىلاۋىمدا بولادى», دەدى مينيستر.
2005 جانە 2011 جىلدارى تۋعان ەكى بالا نۇر-سۇلتانداعى №2 قالالىق بالالار اۋرۋحاناسىنداعى جانساقتاۋ بولىمىندە جاتىر. دارىگەرلەر ەكى ناۋقاستىڭ دا ميى مەن كوكىرەگىن كت-دان وتكىزىپ, بىرەۋىنە وپەراتسيا جاسادى. دەنساۋلىق ساقتاۋ مينيسترلىگىنىڭ حابارلاۋىنشا, وتادان شىققان كىشكەنتاي پاتسيەنتتىڭ جاعدايى وتە اۋىر. ال ەكىنشىسىنىڭ جاعدايى تۇراقتى, اۋىر حالدە. دەنساۋلىق ساقتاۋ ءمينيسترى اۋرۋحانا باسشىسىنا ناۋقاستاردىڭ دەنساۋلىعىنا قاتىستى قاندايدا ءبىر وزگەرىس بولسا دەرەۋ مالىمەت بەرىپ وتىرۋدى تاپسىردى.
