«قۋانىشبەك دوسمايىل ۇلى ىسقاقوۆ قىزىلوردا وبلىسىنىڭ اكىمى بولىپ تاعايىندالسىن», دەلىنگەن پرەزيدەنت قاسىم-جومارت توقاەۆتىڭ جارلىعىندا.
ق. ىسقاقوۆ 1968 جىلى قىزىلوردا قالاسىندا دۇنيەگە كەلگەن. ى.جاقاەۆ اتىنداعى قىزىلوردا اگروونەركاسىپ ءوندىرىسى ينجەنەرلەرى ينستيتۋتىن - ينجەنەر-قۇرىلىسشى, قىزىلوردا پوليتەحنيكالىق ينستيتۋتىن بۋحگالتەر-ەكونوميست, قازاقستاندىق يننوۆاتسيالىق جانە تەلەكوممۋنيكاتسيالىق جۇيەلەر ۋنيۆەرسيتەتىن زاڭگەر ماماندىعى بويىنشا تامامداعان.
1986-1988 جىلدارى اۋعانستاندا كەڭەس جاۋىنگەرلەرىنىڭ شەكتەۋلى قۇرامىندا اسكەري بورىشىن وتەگەن. كسرو جوعارعى كەڭەسى پرەزيديۋمىنىڭ قۇرمەت گراموتاسىمەن ماراپاتتالعان.
ەڭبەك جولىن 1985 جىلى قىزىلوردا جيھاز فابريكاسىندا ءبىرىنشى رازريادتى ستانوكشى رەتىندە باستاعان.
1993-2003 جىلدارى قىزىلوردا وبلىسى بويىنشا سالىق كوميتەتىندە مامان, ينسپەكتور, سەكتور مەڭگەرۋشىسى, توراعا ورىنباسارى قىزمەتتەرىن اتقارعان.
2003-2011 جىلدارى باتىس قازاقستان وبلىسى بويىنشا سالىق كوميتەتى توراعاسىنىڭ ورىنباسارى, توراعاسى, قىزىلوردا وبلىسى بويىنشا سالىق دەپارتامەنتىنىڭ باستىعى, 2011-2015 جىلدارى قىزىلوردا وبلىسى اكىمىنىڭ ءبىرىنشى ورىنباسارى, قىزىلوردا وبلىسىنىڭ قارجى باسقارماسىنىڭ باستىعى, ماڭعىستاۋ وبلىسى بويىنشا سالىق دەپارتامەنتىنىڭ باسشىسى, قىزىلوردا قالاسى بويىنشا مەملەكەتتىك كىرىستەر باسقارماسىنىڭ باسشىسى قىزمەتتەرىن اتقارعان.
2015 جىلدىڭ شىلدە ايىنان جەلتوقسان ايىنا دەيىن قىزىلوردا وبلىسى بويىنشا قارجىلىق باقىلاۋ ينسپەكتسياسىنىڭ باسشىسى لاۋازىمىندا بولدى.
2015 جىلدىڭ جەلتوقسان ايىنان باستاپ قىزىلوردا وبلىسى اكىمىنىڭ ورىنباسارى قىزمەتىن اتقاردى.
