ايماقتار • 28 ماۋسىم، 2019

قىز الىپ قاشامىن دەپ سوتتالىپ تىندى

189 رەت كورسەتىلدى

قىزىلوردا وبلىسىندا قىز الىپ قاش­پاق بولعان ءۇش جىگىت سوتتى بولدى. وسىندايدا ەسكە تۇسەدى... سىرتتاي ۇناتقان قىز­دى الىپ قاشۋ ءبىر كەزدەرى جىگىتتىككە با­لان­عان ۋا­قىت تا بولعان. كونە­كوز كەيۋا-نا­لاردىڭ ءوزى «كۇيەۋىم­نىڭ ءۇي­لەنگەنگە دەيىن ءتۇ­رىن دە كور­گەن ەمەسپىن. الىپ قاشتى. با­لا­لار دۇنيەگە كەل-گەننەن كەيىن ءبىر-بىرىمىزگە ۇيرەنىسىپ كەتتىك. با­قىت­تى ءومىر سۇردىك. بۇعان تۇك تە وكىنبەيمىن» دەگەن اڭگى­مەلەرىن تالاي رەت ەستىدىك.

ءبىزدىڭ اۋىل مالدى اۋىل ەدى. شارۋا­­شىلىققا باي­لانىستى­ قوي­شى، تراكتورشى، شوپىرعا جۇمىس بار بولعانىمەن، قىز بالاعا جوق­قا ءتان. كونتورداعى ءۇش-ءتورت حات­شىلىق، كەڭسەلىك قىزمەت كىم­گە جەت­سىن؟ سون­دىق­­تان مەكتەپ ءبىتىر­گەن قىز­داردىڭ دەنى وقۋعا، بولماسا اعا­يىن­دارىن جاعالاپ قالاعا كەتەتىن.

اۋىلدا قىز جوق. قوي­شى، شو­پىر جانە تراكتور­شى جىگىت­تەر­گە قيىن. بىراق قۇدى­رەتى كۇشتى قۇداي ولار­­­دىڭ باسىن ەكەۋ ەتۋدى وي­لاس­تىرىپ قو­يىپ­تى. كوك­­­تەمگى ساقمان، كۇزگى قىر­­­­قىم كەزىندە اۋدانداعى ۋچي­­لي­ششەنىڭ قىزدارى ءبىز­دىڭ اۋىلعا اسپان­نان ءتۇس­كەن پە­­رىش­تەلەردەي بولىپ ساۋ ەتىپ كەلە قالادى. سودان ارا­عا اپتا سالماي جا­تىپ ءۇي­لە­نۋ ماۋسىمى باستالادى. قىز­دارمەن ءبىر اۋىز سويلەسكەن جىگىت­تەر كەشكىسىن ابدەن قىز الىپ قا­شىپ ۇيرەنىپ قالعان كۇر­­كىلدەك «موسكۆيچ»، ەسى­­­گىن قات­تى جاپسا ءىش­تەن اشىل­ماي­تىن، دوڭگە­لەگىنىڭ ءبۇرى كەتكەن «جي­گۋ­ليگە» كوزدەگەن ارۋىن­ ار­قا­لاپ مىنگىزىپ، ۇيىنە ءبىر-اق تۇسىرەدى. سول قىز­داردىڭ كون­­­­­بە­گەنى نەكەن-ساياق. ال ءبۇ­گىن­­­دە ءسۇيىپ-كۇيىپ قو­سىل­­عان­دار­دىڭ جارتىسى جىل اينالماي جاتىپ، اجى­راسىپ جاتىر. ءبىر قىزىعى، ساقمانعا كەلگەن جانە پويىزدان ءتۇسى­رىپ ال­عان سول جەڭگەلەرىمىزدىڭ ءبارى قوسا­عىمەن جاقسى ءومىر ءسۇر­دى. اۋىل­دىڭ ماڭداي­الدى كەلىن­دەرى بولدى. ءۇل­­كەندەردەن وسىنداي، «با­سى قاتتى، اياعى ءتاتتى» وقي­عالار­دى ابدەن ەستىگەن بولۋ كەرەك، قىزىلوردا وبلىسىنىڭ ءۇش جىگىتى قىز الىپ قاشۋ «وپەراتسيا­سىنا» الاڭسىز-اق بارعان ەكەن. بىراق سوڭى وزدەرى ءۇشىن وتە اۋىر اياقتالارىن ءبىل­مەگەن سىڭايلى.

باسى جاقسى-اق بولعان. قا­لىڭدىق الىپ قاشۋعا بەكىن­گەن جىگىت ەكى اۋىل­داسىن ەرتىپ قالاعا كە­لەدى. بۇ­رىن ءسوز بايلاسىپ، كەيىن حابارىن ۇزگەن بوي­جەتكەننىڭ ءۇيىن تورۋىلدايدى. تاڭەرتەڭ جۇمىسقا بار­ماق­قا شىققان قىزدىڭ الدىن كەس-كەستەپ، ماشينامەن اپا­رىپ تاستاماق نيەتتەرىن ايتادى. جاع­دايدى تۇسىنگەن بويجەتكەن قىز­­مەتتەرىنەن باس تارتقانىمەن، ەلى­­رىپ العان ۇشەۋ كولىككە كۇشپەن وتىر­­عىزادى.

قۇيىنداپ ءوز اۋداندارىنا قا­راي تارتادى. سورىنا قا­راي، جەل­دەي ەسىپ جىل­دامدى­عىن اسىرىپ كەلە جاتقان ماشي­نانى جەرگىلىكتى پوليتسيا قىز­مەتكەرلەرى توقتاتادى. ار جاعى بەلگىلى. بوتاداي بوزداپ وتىرعان قىز، رەپەتى كەتكەن ءۇش جىگىت. قىز الىپ قاشقىش بو­زىم­­بايلار پوليتسيا بولىمىنە جەت­كىزىلگەن. وتكەن جىلدىڭ ور­تا­­­سىندا قوزعالعان ءىس جۋىردا اياق­­تالدى.

«اتالعان قىلمىستىق ءىس قى­زىلوردا قالاسىنىڭ №2 سو­تىن­دا قارالدى. ولاردىڭ ءۇستى­نەن قىل­مىستىق كودەكس­تىڭ 125-بابىنىڭ 2-بولىگى 1-تار­ما­­عى­مەن ءىس قوزعالدى. سول بو­يىن­­شا كىنالى دەپ تا­نىلعان سوت­تا­لۋشىلارعا 7 جىلعا شارت­تى جازا تا­عايىندالدى»، دەيدى قى­زىل­ور­­دا قالاسى سوتىنىڭ باس­پا­سوز قىز­مەتى.

«ويناقتاعان بوتا وت­ باسادى» دەيدى حالىق دا­نا­لىعى. كەز­ىندە ءسوز باي­لاسقان قىزى­نىڭ كون­بە­گەنىنە قاراماي الىپ قاش­قان ءجى­گىت وزىمەن بىرگە دوس­تارىن دا تەمىر تورعا سۇيرەپ كەتتى. وكى­نىشتى...

جوعارىدا ايتقانى­مىزداي، بۇ­رىن­عىنىڭ وقي­عالارى عوي. قازىر زامان باسقا، زاڭ باسقا. قىزدى ەر­كى­­نەن تىس الىپ قا­شۋ ادام ءومى­رىنە قاستاندىق جاسا­عانمەن ءبىر­دەي. قىل­مىستىق كودەكستىڭ ارناۋلى بابى بار.

«اتام الىپ قاشىپ كە­لىپتى. اجەم ءلام دەمەي كە­لىن بولىپ ءتۇسىپ­تى» دەگەن بۇگىن­دە ءوت­كەننىڭ ەرتەگىسى بو­لىپ قال­دى. قىز الىپ قاشۋدىڭ قاھار­مان­دارىنا ءۇش جىگىت­تىڭ وقيعاسى سا­باق بولسا، قانەكي.

 

قىزىلوردا وبلىسى

سوڭعى جاڭالىقتار

ەلەنگەن ەرلىك

ايماقتار • بۇگىن، 13:22

قاراشادا كۇن سۋىتادى

اۋا رايى • بۇگىن، 11:59

پنەۆمونيادان تاعى 5 ادام كوز جۇمدى

كوروناۆيرۋس • بۇگىن، 09:35

قاۋىپتى ىندەتكە قارسى قامدانىس

كوروناۆيرۋس • بۇگىن، 07:40

ۇلتتىڭ جاڭا بولمىسى

پىكىر • بۇگىن، 07:35

پيك-ءتىڭ ورنىنا – جاڭا ۇيىم

ايماقتار • بۇگىن، 07:27

ۇقساس جاڭالىقتار