– ەلىمىزگە قايعى اكەلگەن وسى كۇندەردە جەكە ءوزىمنىڭ جانە سەنات دەپۋتاتتارىنىڭ اتىنان قازا تاپقان جانە زارداپ شەككەندەردىڭ وتباسىلارىنا قايعىرىپ كوڭىل ايتامىن. سىزدەر دۋشار بولعان قايعىعا ورتاقتاسىپ, بىرگە قايعىرامىز, ءبىز سىزدەرمەن بىرگەمىز, – دەدى سەنات توراعاسى داريعا نازارباەۆا.
ءماجىلىس دەپۋتاتتارى دا ارىس تۇرعىندارىنا كومەكتەسۋ ءۇشىن ءبىر كۇندىك جالاقىلارىن اۋداراتىن بولدى.
ارىس حالقىنا كومەك قولىن سوزعانداردىڭ قاتارىندا پرەمەر-مينيستر كەڭسەسىنىڭ قىزمەتكەرلەرى دە بار.
– ارىس قالاسى تۇرعىندارىنىڭ جاعدايىنا بۇكىل حالىق الاڭداۋدا, بۇكىل ەل جۇمىلىپ اتسالىسۋدا. وسى رەتتە Nur Otan پارتياسىنىڭ ارىس تۇرعىندارىنا كومەك قولىن سوزۋ ماقساتىندا قاراجات جيناۋ باستاماسىن قولداۋعا شاقىرامىن, – دەدى ۇكىمەت باسشىسى ا.مامين.
ەسكە سالايىق, پرەزيدەنت قاسىم-جومارت توقاەۆتىڭ تاپسىرماسى بويىنشا ۇكىمەتتىك كوميسسيا تۇرعىن ۇيلەرگە, الەۋمەتتىك جانە ينفراقۇرىلىمدىق نىساندارعا, قالانىڭ تىرشىلىگىن قامتاماسىز ەتەتىن نىساندارعا تيگىزىلگەن زارداپتى باعالايتىن بولادى.
مادەنيەت جانە سپورت مينيسترلىگى دە ت.جۇرگەنوۆ اتىنداعى قازاق ۇلتتىق ونەر اكادەمياسى جانە نۇر-سۇلتان قالاسىنداعى ۇلتتىق اكادەميالىق كىتاپحانانىڭ جانىنان شتابتار قۇردى. 27 ماۋسىم كۇنى ارىس قالاسىنا «ارىس, ءبىز بىرگەمىز!» گۋمانيتارلىق كومەك كەرۋەنى جونەلتىلەدى.
سونداي-اق تانىمال مادەنيەت جانە سپورت قايراتكەرلەرى حالىقتىڭ رۋحىن كوتەرىپ ەۆاكۋاتسيالانعان تۇرعىندار مەن اسكەريلەردى قولداۋ ماقساتىندا ارىس قالاسىنا اتتاناتىن بولادى.
ەڭبەك جانە حالىقتى الەۋمەتتىك قورعاۋ مينيسترلىگىنىڭ, سونداي-اق ۆەدومستۆولىق باعىنىشتى ۇيىمدارى مەن وڭىرلىك دەپارتامەنتتەرىنىڭ قىزمەتكەرلەرى تۇركىستان وبلىسى ارىس قالاسىنىڭ تۇرعىندارىنا كومەكتەسۋ ءۇشىن ءبىر كۇندىك جالاقىلارىن اۋدارادى.
دەنساۋلىق ساقتاۋ مينيسترلىگىنىڭ ورتالىق اپپارات قىزمەتكەرلەرى مەن ۆەدومستۆوعا قاراستى ۇيىمدار, ەلىمىزدەگى دارىگەرلەر دە قايىرىمدىلىق شاراعا اتسالىسىپ, ولارعا قولداۋ رەتىندە ءبىر كۇندىك ەڭبەكاقىسىن اۋدارماق.
– دەنساۋلىق ساقتاۋ ءمينيسترى ەلجان ءبىرتانوۆتىڭ ايتۋىنشا, مينيسترلىك پەن ۆەدومستۆوعا قاراستى ۇيىمداردىڭ باسشىلارى جاراقات العان ازاماتتارعا مەديتسينالىق كومەك كورسەتۋ ءۇشىن بارلىق جاعدايدى جاسايدى.
قازاقستان حالقى اسسامبلەياسى دا قايىرىمدىلىق اكتسياسىنان قالىس قالعان جوق. نۇر-سۇلتان قالاسىنىڭ دوستىق ۇيىندە ەلوردا ەتنومادەني بىرلەستىكتەرىنىڭ وكىلدەرى باس قوسىپ, قايىرىمدىلىققا باعىتتالعان ىستەردى جۇيەلى اتقارىپ شىعۋعا ۋاعدالاسىپ, قايىرىمدىلىق كومەگىن ۇيىمداستىراتىنىن مالىمدەدى. ارىس حالقىنا جونەلتىلەتىن زاتتار ءتىزىمى جاسالدى. ەلوردالىق وزبەك ەتنومادەني ورتالىعى توراعاسىنىڭ ورىنباسارى حاسان شاريپوۆ جەكە قارجىسى ەسەبىنەن ارىس قالاسىنا 22 توننا ۇن جونەلتىپتى. اسسامبلەيانىڭ جەر-جەردەگى فيليالدارى دا قايىرىمدىلىق ىسكە اتسالىسۋدا.
ۇلتتىق وپەراتور «قازترانسگاز» اق كومپانيالار توبىنىڭ قىزمەتكەرلەرى الاپات جارىلىستان زارداپ شەككەن تۇرعىندارعا كومەك رەتىندە وزدەرىنىڭ ءبىر كۇندىك ەڭبەك اقىسىن اۋدارۋ تۋرالى شەشىم قابىلدادى. گاز ماماندارى جيناعان كومەك قارجى كولەمى 120 ملن تەڭگەدەن اسادى.
تۇركىستان وبلىسىنىڭ ارىس قالاسىندا بولىپ جاتقان وقىس وقيعا ۇقك شەكارا قىزمەتىنىڭ شەكاراشىلارىن دا بەيتاراپ قالدىرمادى. وسىعان بايلانىستى شەكارا قىزمەتىنىڭ بۇكىل جەكە قۇرامى ءبىر اۋىزدان ءبىر كۇندىك ەڭبەكاقى كولەمىندە قارجىلاي كومەك بەرۋ تۋرالى شەشىم قابىلدادى.
ارىستاعى جاعدايعا ەلىمىزدەگى حالىقارالىق ۇيىمدار دا كومەك قولىن سوزۋدا. ماسەلەن, حالىقارالىق تۇركى اكادەمياسى كەشە بىركۇندىك جالاقىلارىن ارىستىقتارعا كومەك قورىنا اۋداردى.
ەلدىڭ ەلدىگى سىنعا تۇسكەن شاقتا قول قۋسىرىپ قاراپ وتىرماي, دەمەۋ بولۋعا اسىققان ادامداردىڭ قاتارى كوپ. مەملەكەتتىك ورگاندار دا, جەكەلەي ازاماتتار دا ءجاردەم بەرۋگە جۇمىلىپ اتسالىسۋدا. سىن ساعات تۋعاندا حالقىمىز ەلدىكتىڭ ەرەن ۇلگىسىن كورسەتىپ جاتىر دەسەك ارتىق ەمەس.
تۇركىستان وبلىسى ارىس قالاسىندا زارداپ شەككەندەرگە كومەك كورسەتۋ ءۇشىن وبلىس اكىمدىگى جانىنان اشىلعان «تۇركىستان» كورپوراتيۆتىك الەۋمەتتىك دامۋ قورىنا حابارلاسۋعا بولادى.
انىقتاما ءۇشىن «تۇركىستان» كورپوراتيۆتىك الەۋمەتتىك دامۋ قورى رەكۆيزيتتەرىن گازەت وقىرماندارىنىڭ نازارىنا ۇسىنامىز:
تۇركىستان وبلىسى
تۇركىستان قالاسى,
قىزىلوردا تاس جولى, 34 ا عيماراتى,
پوشتا يندەكسى 161200
بسن (بين) 100440016000
«ForteBank» اق
تۇركىستان قالاسىنداعى فيليالى
جسك (يك) KZ7196528F0007014540
بسك (بيك) IRTYKZKA
قايىرىمدىلىق كومەك رەتىندە اۋدارىلعان قاراجات «تۇركىستان» الەۋمەتتىك دامۋ قورىنىڭ كورپوراتيۆتىك كارتاسىنا دا قابىلدانادى: 4042 4583 0000 0843 DAURENBEK KURBANIYAZOV
قور ديرەكتورى: قۇربانيازوۆ داۋرەنبەك +77718933536
