نۇرسۇلتان نازارباەۆ – حالىقارالىق جاعدايلاردى تەرەڭنەن سەزىنەتىن تۇلعا. ونىڭ پارتيا باسشىسىنان جالپىۇلتتىق ليدەر بولىپ قالىپتاسۋى 1990 جىلداردىڭ باسىنداعى «داۋىل مەن قىسىم» ۋاقىتىندا ءوتتى. ول قازاقستاندى ىشكى ساياسي دامۋمەن قاتار, سىرتقى ساياسات دامۋىندا دا العا شىعارا الدى.
كەڭەستىك ءومىر تاجىريبەسى مەن زاماناۋي دامۋدىڭ بولاشاعى بار باسىمدىقتارىن جەتە سەزىنە الۋ ۇيلەسىمدىلىگى نۇرسۇلتان نازارباەۆتىڭ بىرەگەي ساياسي ءستيلىن ايشىقتايدى. نۇرسۇلتان نازارباەۆتىڭ كەڭەستىك كەزەڭەن قالعان تاجىريبەسى مەن وزەكتى ماسەلەلەردى شەشۋ كەزىندەگى تاپقىرلىعىن ەرەكشە اتاپ وتەر ەدىم. ۆلاديمير پۋتين ايتقانداي, ول ۇنەمى جارقىن بولاشاققا ۇمتىلىپ تۇرادى جانە جانىنا جاس مامانداردى ەرتىپ جۇرەدى. بۇل – كوشباسشىلىق قابىلەت.
نۇرسۇلتان نازارباەۆتىڭ سىرتقى ساياساتتاعى بيىك بەدەلى قازاق ەلىن بۇكىل الەمگە تانىتتى. الەم حالىقتارىن بەيبىتشىلىك پەن بىرلىككە ءۇندەيتىن جاھاندىق باستامالارى ءوز ناتيجەسىن كورسەتتى. بۇل رەتتە قازىرگى حالىقارالىق قاتىناستاردىڭ نەگىزگى فاكتورلارىنا اينالعان ازياداعى ءوزارا ءىس-قيمىل جانە سەنىم شارالارى جونىندەگى كەڭەس, الەمدىك جانە ءداستۇرلى ءدىندەر كوشباسشىلارىنىڭ سەزى, تاۋەلسىز مەملەكەتتەر دوستاستىعى, شانحاي ىنتىماقتاستىق ۇيىمى, ەۋرازيالىق ەكونوميكالىق وداقتىڭ قۇرىلۋى سياقتى سىرتقى ساياساتتاعى يگى جۇمىستاردى ايرىقشا اتار ەدىك. قوعامنىڭ تۇراقتى دامۋىنداعى, قازاقستاننىڭ ەكونوميكالىق جانە الەۋمەتتىك ساياسي جاڭعىرۋىنداعى نۇرسۇلتان نازارباەۆتىڭ قىزمەتى مەن باستامالارىنىڭ جانە بارشا الەمدە جاھاندىق قاۋىپسىزدىك پەن سەنىم احۋالىن جاساقتاۋداعى كۇش-جىگەرىنىڭ ءرولى ۇلكەن ماڭىزعا يە.
ميحايل ليپكين,
رەسەي عىلىم اكادەمياسى
جالپى تاريح ينستيتۋتىنىڭ ديرەكتورى, رعا پروفەسسورى
