ورتالىق سايلاۋ كوميسسياسى شىمكەنت قالاسىنان پارلامەنت سەناتىنىڭ شىعىپ قالعان دەپۋتاتىنىڭ ورنىنا 2019 جىلعى 24 ماۋسىمدا بولعان سايلاۋدىڭ قورىتىندىلارىن جاريالادى.
«شىمكەنت قالاسىنان قازاقستان رەسپۋبليكاسى پارلامەنتى سەناتىنىڭ شىعىپ قالعان دەپۋتاتىنىڭ ورنىنا سايلاۋدىڭ مىناداي قورىتىندىلارى بەلگىلەنسىن: راميليا رافكاتوۆنا يسكاندەروۆاعا 2 داۋىس نەمەسە داۋىس بەرۋگە قاتىسقان تاڭداۋشىلار داۋىستارىنىڭ 7,5 پايىزى بەرىلدى. ايگۇل جارىلقاسىنقىزى قاپباروۆاعا 23 داۋىس نەمەسە داۋىس بەرۋگە قاتىسقان تاڭداۋشىلار داۋىستارىنىڭ 85,0 پايىزى, ال الىشەر گاپيرجانوۆيچ ساتۆالديەۆكە 2 داۋىس نەمەسە داۋىس بەرۋگە قاتىسقان تاڭداۋشىلار داۋىستارىنىڭ 7,5 پايىزى بەرىلدى», - دەلىنگەن وسك سايتىنداعى حابارلامادا.
وسىلايشا, قازاقستان رەسپۋبليكاسى پارلامەنتى سەناتىنىڭ دەپۋتاتى رەتىندە كوپ داۋىس جيناعان ايگۇل قاپباروۆا سايلانىپ, وعان بەلگىلەنگەن ۇلگىدەگى كۋالىك پەن ومىراۋعا تاعاتىن بەلگى تاپسىرۋ تۋرالى قاۋلى شىعارىلدى.
