«ارىستاعى اعايىنمەن ءبىز دە بىرگە ەكەنىمىزدى ايتقىم كەلەدى. كەشەگى قايعىلى وقيعادا قازا بولعان ازاماتتاردىڭ تۋعان-تۋىستارى مەن جاقىندارىنا قايعىرىپ كوڭىل ايتامىز. جاراقات العان كىسىلەردىڭ تەز ساۋىعىپ كەتۋىن تىلەيمىز. ءبىز تاعى دا ەلدىگىمىزدى تانىتتىق, وسىنداي توسىن وقيعالاردا ءبىر جۇدىرىقتاي جۇمىلا بىلەتىن بىرلىگىمىزدى كورسەتتىك. ارىستان ۋاقىتشا ەۆاكۋاتسيالانعان اعايىنعا قازاقستاننىڭ تۇپكىر-تۇپكىرىنەن كومەك بەرۋگە ىقىلاس تانىتىپ جاتقان ازاماتتاردىڭ دا سانى ارتىپ جاتىر» دەدى ۆەدومستۆو باسشىسى.
وسى ورايدا مينيستر كەشە مەملەكەت باسشىسى قاسىم-جومارت توقاەۆ وقيعا ورنىنا ارنايى بارىپ, حالىققا ءتيىستى قولداۋ مەن كومەك كورسەتىلەتىنىن ايتقانىن ەسكە سالدى.
«كەشەدەن بەرى «ارىس, ءبىز بىرگەمىز» اتتى اكتسيا ۇيىمداستىرىلىپ جاتىر. ءبىز دە ارىستىقتارمەن بىرگەمىز. اقپارات جانە قوعامدىق دامۋ مينيسترلىگىنىڭ قىزمەتكەرلەرى دە زارداپ شەككەن قالاعا كومەك رەتىندە ءبىر كۇندىك جالاقىلارىمىزدى اۋدارامىز. ءبىزدىڭ مينيسترلىككە قاراستى ۇيىمدار دا وسىنداي قادام جاساپ جاتىر ەكەن. بۇل باستامانى قولدايمىز» دەدى داۋرەن اباەۆ.
