«جەدەل شتاب قۇرىلىپ, ارنايى رەجيمدە جۇمىس ىستەۋدە. 7 ءىرى ستانسادا- شىمكەنت, تۇركىستان, تۇلكىباس, تاراز, شۋ, شيەلى, قىزىلودادا 20 جولاۋشىلار پويىزى توقتاتىلىپ, 8121 جولاۋشىعا جاعداي جاسالدى. ولار ۆوكزال كەشەندەرىنە كوشىرىلىپ, اۋىز سۋ, تاماقپەن قامتاماسىز ەتىلدى. جولاۋشىلاردىڭ تالابى بويىنشا جول ءجۇرۋ اقىسى قايتارىلادى. اتالعان بارشا ۆوكزالداردا تاۋلىك بويى كەزەكشىلىك ۇيىمداستىرىلىپ, كەرەكتى اقپارات تاراتىلۋدا», - دەپ اتاپ وتەدى ۇلتتىق تاسىمالداۋشى.
كومپانيا مالىمەتىنشە, تۇركىستان, جامبىل جانە قىزىلوردا وبلىس اكىمدىكتەرىمەن بىرىگە وتىرىپ قالا ماڭىنا اۆتوكولىكپەن 1500 جولاۋشى تاسىمالداندى. سونداي-اق, تۇركىستان -ماڭعىستاۋ, اقتوبە, ساراتوۆ جانە شىمكەنت-تاراز, الماتى باعىتتارىنا جەتىپ الۋ ءۇشىن 2000 جولاۋشى اۆتوكولىكپەن تۇركىستاننان شىمكەنتكە جەتكىزىلدى. قىزىلوردا-سەكسەۋىل اراسىندا №42 اتىراۋ-الماتى پويىزىنىڭ 430 جولاۋشىسىن جەتكىزۋ ءۇشىن 14 ۆاگون قوسىمشا تىركەلدى.
«جالپى تاراز, شىمكەنت, تۇركىستان اراسىندا 8 مىڭنان استام جولاۋشى اۆتوكولىكپەن تاسىمالداندى. ۇلتتىق تاسىمالداۋشى ءوز جولاۋشىلارىنا تۇسىنۋشىلىكپەن قاراعانىن جەتكىزەدى. بارشا كەرەكتى اقپاراتتى 105 بىرىڭعاي انىقتاما قىزمەتىنەن الا الاسىزدار», - دەلىنگەن تاراتىلعان اقپاراتتا.
