سالتاناتتى راسىمدە وبلىس اكىمى قىرىمبەك كوشەرباەۆ ءسوز سويلەدى.
- بۇگىن ءبىز سول جاعالاۋداعى جاڭا ءۇش شاعىن اۋداننىڭ العاشقى ءۇيىن سالۋعا كىرىسۋدەمىز. بۇعان دەيىن سالىنعان شاعىن اۋداننىڭ 70 پايىزعا جۋىق پاتەر يەسى قونىستانىپ ۇلگەردى. جىل سوڭىنا دەيىن مۇندا 2466 پاتەرلىك 53 ءۇي سالىنادى. جالپى, سوڭعى 6 جىلدا ايماقتا 361 كوپ قاباتتى ءۇي نەمەسە 7000 پاتەر سالىندى. ونىڭ ىشىندە 600 استام پاتەردى بۇرىنعى اپاتتى ۇيلەردىڭ تۇرعىندارى الدى. قىزىلوردا وبلىسى – اپاتتى جاعدايداعى تۇرعىن ءۇي ماسەلەسىن تولىق شەشكەن قازاقستانداعى بىردەن-ءبىر ايماق. قىزىلوردا وبلىسىندا جىل سايىن قۇرىلىس جۇمىستارىنىڭ كولەمى ارتىپ كەلەدى. سوڭعى 5 جىلدىڭ وزىندە وبلىس ورتالىعىندا 4 مىڭ پاتەرلىك 80 كوپقاباتتى ءۇيدىڭ قۇرىلىسى جۇرگىزىلدى. بۇل - قىزىلوردالىقتاردىڭ ءال-اۋقاتىنىڭ ءوسىپ جاتقانىنىڭ دالەلى. الداعى ۋاقىتتا رەسپۋبليكالىق بيۋدجەت ەسەبىنەن 320 ورىندىق بالاباقشا مەن 600 ورىندىق مەكتەپ جانە مەملەكەتتىك-جەكەمەنشىك ارىپتەستىك اياسىندا 500 ورىندىق ەمحانا سالۋ جوسپارلانۋدا, - دەدى ول.
قىزىلوردانىڭ سول جاعالاۋىنداعى قۇرىلىس 2016 جىلى باستالعان ەدى. وتكەن جىلى سول جاعالاۋداعى جاڭا قالادا جەكە ينۆەستورلار قاراجاتى ەسەبىنەن سالىنعان 14 كوپقاباتتى تۇرعىن ءۇي, سونداي – اق «رۋحاني جاڭعىرۋ» ورتالىعى مەن 320 ورىندىق بالاباقشا پايدالانۋعا بەرىلدى. ال 2019 جىلى «بولاشاق» ۋنيۆەرسيتەتى كامپۋسى مەن جاستار ورتالىعىنىڭ قۇرىلىسى اياقتالدى.
سوڭعى 6 جىلدا وڭىردە 3 ملن شارشى مەتر تۇرعىن ءۇي پايدالانۋعا بەرىلدى. وبلىس ورتالىعىندا 2013-2018 جىلدارى 15 جاڭا شاعىن اۋدان سالىنعان.
