ال جازعىسى كەلەتىن, بىراق قۇداي ءبىر ءتۇيىر تالانت بەرمەگەندەر ىشتەگى زاپىرانىن شىعارۋ ءۇشىن اجەتحانا قابىرعاسىن شيمالايدى ەكەن. بۇگىندە سول «جازعىشتاردىڭ» الەۋمەتتىك جەلىنى جاۋلاپ العانىنا قىنجىلادى اقىن.
داڭقى ءوز رەسپۋبليكامىزدان اسقان, ءبىرتالاي مەملەكەتتەر تۇتىنىپ وتىرعان «ارالتۇز» جايىنداعى داقپىرت الەۋمەتتىك جەلى ارقىلى جۇرتشىلىقتى ءبىر سىلكىندىرگەنى بەلگىلى. وعان سەبەپ, بايقوڭىر تۇرعىنىنىڭ WhatsApp الەۋمەتتىك جۇيەسى ارقىلى جاريالاعان ۆيدەو ءماتىنى. ول «قىتاي ينۆەستورلارى «ارالتۇز» اق-ىن ساتىپ الدى. ەندى قىتايلىقتار تۇزعا ۋلى حيميكاتتار قوسىپ, ءجۇز جىلدا قازاق حالقىنىڭ تۇقىمىن تۇزداي قۇرتادى» دەپ «جانايقايىن» سالادى.
ونسىز دا قىتاي دەسە ۇركەكتەپ جۇرگەن حالىق مىناداي ءمالىمدەمەدەن كەيىن قالاي جايىنا قاراپ جاتادى. بەلسەندىلەرى اتتانعا ويباي قوسىپ جۇرتتى ءدۇرلىكتىرەدى.
وسىعان بايلانىستى قىزىلوردا قالاسىندا وڭىرلىك كوممۋنيكاتسيالار قىزمەتى الاڭىندا وتكەن بريفينگتە «ارالتۇز» اق ۆيتسە-پرەزيدەنتى ناعاشىباي اۋەزحانوۆ ءونىم ساپاسى تۋرالى ايتىپ, بايقوڭىر قالاسى تۇرعىنىنىڭ «ارالتۇز» كاسىپورنىن قىتايلىق ينۆەستورلار ساتىپ الىپ, كاسىپورىن ونىمىنە ۋلى زاتتار قوسادى ەكەن دەلىنگەن قاۋەسەتتى جوققا شىعاردى. بريفينگكە «ارالتۇز» اق ۆيتسە-پرەزيدەنتى ناعاشىباي اۋەزحانوۆ, وبلىستىق يندۋستريالدى-يننوۆاتسيالىق دامۋ باسقارماسى باسشىسىنىڭ م.ا. جانار بەردەنوۆا جانە قىزىلوردا وبلىسى پوليتسيا دەپارتامەنتى باستىعىنىڭ ورىنباسارى بايگەلدى بايجان قاتىستى.
– «ارالتۇز» – قازاقستان مەن باسقا دا بىرقاتار ەلدەردى ءوز ونىمدەرىمەن قامتاماسىز ەتەتىن بىرەگەي كاسىپورىن. قازىر كاسىپورىندا 1200-دەن استام ادام جۇمىس ىستەيدى. تۇزدى تازالاۋ جانە وڭدەۋ بويىنشا بارلىق جۇمىستار تالاپتارعا ساي ءجۇرگىزىلەدى. بىزدە ءونىمنىڭ ساپاسىن باقىلاۋعا ارنالعان ارنايى زەرتحانا بار, سوندىقتان, ءبىزدىڭ تۇز جوعارى ساپالى دەپ سەنىممەن ايتا الامىن, – دەدى «ارالتۇز» اق ۆيتسە-پرەزيدەنتى ناعاشىباي اۋەزحانوۆ.
قىزىلوردا وبلىسى پوليتسيا دەپارتامەنتى باستىعىنىڭ ورىنباسارى بايگەلدى بايجان بەينەۇندەۋدىڭ اۆتورى ءوز ارەكەتىن مويىنداعانىن جانە بەينەجازبا جاريالاۋعا ونىڭ كورگەن ءتۇسى نەگىز بولعانىن ايتتى.
ونىڭ مالىمدەۋىنشە, جالعان اقپاراتتى تاراتقان ازامات ۇستالعان. سويتسە ول جازعان ءتۇس كورگەن, تۇسىندە جامان ءىس كورگەن ەكەن. كورگەن ءتۇسى مازاسىن الا بەرگەننەن كەيىن حالىقتى قۇتقارماق نيەتتە ويىن الەۋمەتتىك جەلىدە ايتىپ ءجىبەرگەن. ارينە, جالعان اقپارات بەرگەنىنە وكىنەدى, كەشىرىم سۇرايدى. بىراق مەدالدىڭ ەكى بەتى بارى سەكىلدى, قالىڭ ەلدى دۇرلىكتىرۋ تەك كەشىرىم سۇراۋمەن بىتپەسە كەرەك. ەگەر اركىم سول جامباسىمەن جاتىپ جايسىز ءتۇس كورىپ, ونى جاھانعا جار سالىپ جاريالايتىن بولسا وبالى كىمگە؟! بۇگىندە ءارتۇرلى جاعدايلار تيتىعىنا جەتىپ, ءسىرىڭكە تارتسا قۋرايداي لاپ ەتۋگە دايىن توپتار بار. قيت ەتسە ەلدى ەرەۋىلگە باستاۋعا دايىن, مەملەكەتتىڭ ىرگەسىن شايقاۋعا ابدەن بەكىنگەن قارسى كۇشتەر دە بار. مۇنداي جاعدايلار ولاردىڭ قولايىنا جاعاتىندىعى ءسوزسىز.
بۇگىندە ءتۇس كورىپ, جالعان اقپاراتتى تاراتقان ازامات قىلمىستىق جاۋاپكەرشىلىككە تارتىلدى. وسىنداي داۋرىقپاعا قۇمار جاندارعا ساباق بولسا, قانەكي.
قىزىلوردا وبلىسى
