50 مەترگە باتتەرفلياي ادىسىمەن جۇزۋدە ادىلبەك مۋسينگە تەڭ كەلەر ەشكىم تابىلمادى. ونىڭ كورسەتكىشى – 23.76 سەكۋند. قانداسىمىز وسى ناتيجەمەن عانا شەكتەلىپ قالعان جوق. ءدال وسى جاتتىعۋدىڭ 100 مەترلىك سايىسىندا ادىلبەك كۇمىس مەدالدى يەلەنۋمەن قاتار, قازاقستاننىڭ رەكوردىن دا جاڭارتتى. 100 مەترگە براسس ادىسىمەن جۇزۋدە دميتري بالاندين ەكىنشى ورىنعا تابان تىرەدى.
ەستەرىڭىزگە سالا كەتەيىك, قازاقستان رەسپۋبليكاسى ۇلتتىق وليمپيادا كوميتەتىنىڭ ارنايى باعدارلاماسى نەگىزىندە ەلىمىزدىڭ ءۇش بىردەي بەلدى ءجۇزۋشىسى – دميتري بالاندين, ادىلبەك مۋسين جانە ءادىل قاسقاباي بۇل كۇندەرى اقش-تا, اتاقتى باپكەر دەيۆ سالونىڭ قول استىندا جاتتىعىپ ءجۇر.
