اتىراۋدان قاشاعانعا اۋەجايدان № 005 اۋە رەيسىمەن ۇشپاقشى بولىپ تۇرعان 32 جاستاعى قازاقستاندىقتى شەكارا ناريادى تىكۇشاق تەرمينالىنان ۇستادى. بۇل جىگىت ساپارعا باسقا ەشنارسە ەمەس, ءبىر قالتا ەسىرتكى الىپ شىعىپتى. شەكاراشىلار ونىڭ شالبارىنىڭ قالتاسىنان 100 گراممعا جۋىق «ماريحۋانا» ەسىرتكىسىن تاۋىپ الدى. ۇستالعان ازامات اتىراۋ اۋەجايىنىڭ جەلىلىك پوليتسيا بولىمىنە تاپسىرىلدى.
پاۆلودار شەكارا وتريادىنىڭ «ۇرلىتوبە-اۆتو» بولىمشەسىندە شەكاراشىلار «لادا» جەكەمەنشىك اۆتوكولىگىمەن رەسەيگە كەتىپ بارا جاتقان 25 جاستاعى قازاقستاندىقتى ۇستادى. ۇستاۋعا سەبەپ بولعان - ونىڭ كولىگىنەن تابىلعان 25 دانا 12 كاليبرلى مىلتىققا ارنالعان وق-ءدارى.
قورداي شەكارا وتريادىنىڭ «اۋقاتتى» بولىمشەسىندە قىرعىزستاننان قايتىپ كەلە جاتقان 49 جاستاعى قازاقستاندىقتىڭ ۆولۆو جۇك كولىگىنەن شەكاراشىلار 3 دانا, ۇزىندىعى 30 سم-عا جۋىق اڭشى پىشاقتارىن تاۋىپ الىپ, قورداي اۋداندىق پوليتسيا بولىمىنە تاپسىردى.
