مەديتسينا • 18 ماۋسىم، 2019

كاسىبي مەرەكەدە بالالار دارىگەرلەرى ماراپاتتالدى

278 رەت كورسەتىلدى

ماۋسىم ايىنىڭ ءۇشىنشى جەكسەنبىسى اق حالاتتى ابزال جانداردىڭ ءتول مەرەكەسى رەتىندە اتالىپ وتىلەتىن ايان. ايتۋلى مەرەكەگە اياسىندا الماتىداعى پەدياتريا جانە بالالار حيرۋرگياسى عىلىمي ورتالىعىنىڭ بىرقاتار دارىگەرلەرى قر دەنساۋلىق ساقتاۋ مينيسترلىگىنىڭ جوعارى ماراپاتتارىنا يە بولدى.

اتاپ ايتقاندا، ۇزاق جىلدان بەرى بار عۇمىرىن مەديتسينا سالاسىنا ارناپ كەلە جاتقان عىلىم ءبولىمىنىڭ باس عىلىمي قىزمەتكەرى ۆالەري كوجانوۆ (52 جىل)، ىشكى اۋديت، مەنەدجمەنت جانە ساپا ءبولىمىنىڭ دارىگەرى قالقامان ابىشەۆا (41 جىل) «ەڭبەك ارداگەرى» مەدالىمەن ماراپاتتالدى.

كونسۋلتاتيۆتىك-دياگنوستيكالىق بولىمشەسىنىڭ مەڭگەرۋشىسى الفيا نازاروۆا،  كلينيكالىق-دياگنوستيكا زەرتحاناسىنىڭ دارىگەر ماماندارى گۇلزات باتىرحانوۆا، گۇلبارشىن رىسمەنديەۆا، فۋنكتسيونالدىق بولىمشەسىنىڭ مەڭگەرۋشىسى ەستاي نۇرلانوۆ، ەرەسەك جاستاعى بالالارعا ارنالعان جان ساقتاۋ جانە قارقىندى ەمدەۋ بولىمشەسىنىڭ مەيىرگەرى بەيبىتگۇل شويبەكوۆا، گەماتولوگيا بولىمشەسىنىڭ مەيىرگەرى  باقىتگۇل ءامىرجانوۆا «دەنساۋلىق ساقتاۋ ءىسىنىڭ ۇزدىگى» اتانسا، حيرۋرگيا ءبولىمىنىڭ مەڭگەرۋشىسى نۇرلان احپاروۆ، قۇرىلىمدىق بولىمشەلەردى ءدارى-دارمەكتەرمەن قامتاماسىز ەتۋ ءبولىمىنىڭ مەيىرگەرى زينا قىرعاباقوۆا، اكىمشىلىك-شارۋاشىلىق باسقارماسىنىڭ باسشىسى اسحات بايمۋحامبەتوۆ «دەنساۋلىق ساقتاۋ ىسىنە قوسقان ۇلەسى» توسبەلگىسىمەن ماراپاتتالدى.  

قۇرمەت گراموتالارىمەن جەدەل اندرولوگيا قامتىلعان ۋرولوگيا بولىمشەسىنىڭ ۋرولوگ دارىگەرى باۋىرجان ساكەنوۆ، حيرۋرگيا ءبولىمىنىڭ حيرۋرگ دارىگەرى كاحريمان احتاروۆ، ۇيىمداستىرۋ-ادىستەمەلىك جۇمىستار جانە مەديتسينالىق ستاتيستيكا باسقارماسىنىڭ دارىگەر-ادىسكەرى ساۋلە نۇرتازاەۆا، جەدەل اندرولوگيا قامتىلعان ۋرولوگيا بولىمشەسىنىڭ مەيىرگەرى تازاكۋل التاەۆا  ماراپاتتالىپ، ەرەن ەڭبەكتەرى باعالاندى.

بارشا ماراپات يەلەرىنە قۇرمەت كورسەتىلىپ، گۇل شوقتارى تابىستالدى. ماراپاتتاردى ءوز قولىمەن تابىستاعان ورتالىق باسشىسى ريزا بورانباەۆا بارشا دارىگەرلەردى كاسىبي مەرەكەمەن قۇتتىقتاپ، اقجارما تىلەگىن ءبىلدىردى.

بۇگىنگى كۇنى عاسىرعا جۋىق تاريحى بار بىردەن-ءبىر بىرەگەي مەديتسينالىق مەكەمە – پەدياتريا جانە بالالار حيرۋرگياسى عىلىمي ورتالىعىندا بالا دەنساۋلىعىن نىعايتۋ جولىندا 700-دەن استام قىزمەتكەر ايانباي ەڭبەك ەتۋدە.

جىلىنا كلينيكادا رەسپۋبليكانىڭ ءار تۇپكىرىنەن 6 مىڭنان اسا بالا ەم الادى. تاۋەلسىزدىك العان جىلداردان بەرى ورتالىقتا الەمدىك ستاندارت ساپاسىنا ساي جوعارى مەديتسينالىق تەحنولوگيالار قولدانىلىپ كەلەدى. كلينيكادا جىلىنا 2 مىڭنان اسا ءتۇرلى وپەراتسيالار جاسالادى.

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

ۇقساس جاڭالىقتار