سپورت • 15 ماۋسىم، 2019

UWW باسشىلارى نۇر-سۇلتانعا كەلدى

235 رەت كورسەتىلدى

قازاقستاننىڭ استاناسىنا بىرلەسكەن كۇرەس əلەمىنىڭ (UWW) رەسمي وكىلدەرى كەلدى. قۇرامىندا حوك اتقارۋ كوميتەتىنىڭ مۇشەسى، UWW پرەزيدەنتى نەناد لالوۆيچ، UWW بيۋرو مۇشەسى، Əچ-2019 تەحنيكالىق دەلەگاتى پيتەر باچا، UWW جارىستارىن وتكىزۋ جونىندەگى مەنەدجەرى راميل احمادوۆ سىندى لاۋازىمدى تۇلعالار بار كوميسسيا گرەك-ريم، ەركىن جəنە əيەلدەر كۇرەسىنەن نۇر-سۇلتاندا وتەتىن əلەم چەمپيوناتىنا (14-22 قىركۇيەك) دايىندىق \ بارىسىن تەكسەرۋدە.

–  بىرلەسكەن كۇرەس əلەمىنىڭ باسشىسى نەناد لالوۆيچ وسى ماڭىزدى جارىسقا دايىندىقتىڭ قالاي جۇرگىزىلىپ جاتقانىن ءوز كوزىمەن كورگىسى كەلدى. يə، əلەم چەمپيوناتىنىڭ باستالۋىنا از عانا ۋاقىت قالىپ وتىر. قازىر نۇر-سۇلتاندا دايىندىق جۇمىستارى قىزۋ جۇرگىزىلۋدە. ءبىز ءوز كەزەگىمىزدە نۇر-سۇلتانداعى جارىستىڭ اسا جوعارى دەڭگەيدە ۇيىمداستىرىلىپ، قاتىسۋشىلار مەن قوناقتار ەلدەرىنە كەرەمەت اسەرمەن ورالاتىنداي ەتىپ وتكىزۋگە تىرىسۋىمىز كەرەك، – دەيدى Əچ-2019 ۇيىمداستىرۋ كوميتەتىنىڭ باسشىسى، قر گرەك-ريم، ەركىن جəنە əيەلدەر كۇرەسىنىڭ ۆيتسە-پرەزيدەنتى ەرلان قوجاسباي.

سونىمەن قاتار، رەسپۋبليكالىق فەدەراتسيا باسشىلارىنىڭ ءبىرى استانامىزداعى ينفراقۇرىلىمداردىڭ ەڭ ءىرى سپورتتىق شارالاردى جوعارى دەڭگەيدە وتكىزۋگە مۇمكىندىگى زور ەكەنىن اتاپ ءوتتى.

 – Əۋەجاي، قوناق ءۇي كەشەندەرى، دەمالىس ورىندارى، مəدەني-بۇقارالىق نىساندار، «بارىس-ارەنا» جəنە باسقا دا ينفراقۇرىلىمدار حالىقارالىق تالاپتارعا ساي، – دەپ جالعاستىردى ءوز ءسوزىن ەرلان قوجاسباي مىزا. وسى باعىتتا ۇيىمداستىرۋ كوميتەتى ۇلكەن شارۋا اتقارۋدا. ويتكەنى، ءبىزدىڭ بارلىعىمىزدىڭ ورتاق ماقساتىمىز  – əلەمدىك دودانى ەڭ جوعارى دەڭگەيدە وتكىزۋ.

نەناد لالوۆيچ əلەم چەمپيوناتى قارساڭىندا قارقىندى جəنە جەمىستى جۇمىس جۇرگىزىپ جاتقان قازاقستانعا العىس ايتا كەلە، وسى جارىستىڭ ەش كيكىلجىڭسىز وتەتىنىنە سەنىم ءبىلدىردى.

– قازاقستان كۇرەس əلەمى كەڭىستىگىندەگى وتە تانىمال مەملەكەتتەردىڭ ءبىر. سىزدەردە جاقسى ءدəستۇر دە، جوعارى پوتەنتسيال دا بار. قىركۇيەكتە كىل مىقتىلار نۇر-سۇلتاندا جينالىپ، əلەم چەمپيوناتىنىڭ جۇلدەلەرىمەن قاتار، وليمپيادا جولدامالارىن دا ساراپقا سالادى. الداعى ۋاقىتتا دا دايارلىق جۇمىستارىن تىڭعىلىقتى جۇرگىزىپ، وسى مەگا شارانى كەرەمەتتەي وتكىزۋلەرىڭىزگە تىلەكتەسپىن، – دەپ لالوۆيچ اقتارىلا سويلەدى.

سوڭعى جاڭالىقتار

جاڭا باعىت

ساياسات • كەشە

ءورت: قاۋىپ پەن ساقتىق

توتەنشە جاعداي • كەشە

تۇلعا تۋرالى تۋىندى

ادەبيەت • كەشە

جولبارىس جىمى

ادەبيەت • كەشە

ەل سەنىمىن جالعاعان جوبا

ەكولوگيا • كەشە

جەلاياقتار استانادا جينالادى

جەڭىل اتلەتيكا • كەشە

جانىبەكتى جەكپە-جەككە شاقىردى

كاسىپقوي بوكس • كەشە

ۇقساس جاڭالىقتار