ماسەلەن, جاڭارعان قارابالا جانە اسەل انەتوۆا تۇلا بويى تۇڭعىش ۇلدارىنىڭ ەسىمىن قاسىم-جومارت دەپ قويۋدى ۇيعارىپتى. ايتا كەتەرلىگى, جاس انانىڭ تولعاعى ءدال سايلاۋدان كەيىن باستالىپ, تۇنگى ساعات 00:00-دە شەكەسى تورسىقتاي ءسابي ومىرگە كەلدى. مىنە, اراعا ءۇش كۇن سالىپ قاسىم-جومارت جاڭارعان ۇلىن پەرزەنتحانادان شىعارۋ سالتاناتى قازاقستان پرەزيدەنتىن ۇلىقتاۋ راسىمىمەن تۇسپا-تۇس كەلدى.
– تۇڭعىشىمىز ەل تاريحىنداعى ماڭىزدى ساتتەردىڭ بىرىندە تۋعانىنا قۋانىشتىمىن. ياعني ماۋسىمنىڭ 9-نان 10-نا قاراعان ءتۇنى ۇلىمنىڭ كىندىگى كەسىلدى. پەرزەنتحانادان شىعارىلاتىن كۇن پرەزيدەنت ۇلىقتاۋىمەن سايكەس كەلگەنىنە دە تاڭىرقاعانىمىز راس. بالانىڭ ەسىمىن تاڭداۋعا كەلگەندە ۇلتقا قىزمەت ەتكەن تۇلعالاردىڭ بىرىنە تۇسەتىنى انىق ەدى. ەل تاريحىنا قاراساق, قاسىمدار از بولمادى. سوناۋ ورتا عاسىرداعى قازاق حاندىعىنىڭ نەگىزىن سالعان ءاز جانىبەكتىڭ ۇلى قاسىم حاننىڭ تۇسىندا جەرىمىز ۇلعايىپ ىرگەلى ەلگە اينالعانىمىز بارشاعا بەلگىلى. سونىمەن قاتار اتاقتى پارتيزان-جازۋشى, حالىق قاھارمانى قاسىم قايسەنوۆتىڭ ءوزى ءبىر توبە. سول سەكىلدى داۋىلدى پوەزياسىمەن التى الاشقا اتى ءماشھۇر قاسىم امانجولوۆتى اتاپ وتۋگە بولادى. البەتتە جاڭا داۋىردەگى جاڭا پرەزيدەنتىمىزدىڭ اتىن نەگىزگە الا وتىرىپ قاسىم-جومارت دەپ بالامىزعا ازان شاقىرىپ, ەسىمىن قويدىق, – دەيدى ج. قارابالا.
جاقسىلىق مۇراتقالي
