سپورت • 12 ماۋسىم، 2019

گوگي كوگۋاشۆيلي: الەم چەمپيوناتىندا بارىنشا مول جولداما الۋدى كوزدەيمىز

214 رەت كورسەتىلدى

كەزىندە گرەك-ريم كۇرەسىنەن əلەمنىڭ بەس جانە ەۋروپانىڭ ءتورت دۇركىن چەمپيونى اتانعان گوگي كوگۋاشۆيلي بۇل كۇندەرى رەسەيدىڭ ۇلتتىق قۇراما كومانداسىن باپتاۋدا. جۋىردا عانا الماتىدا وتكەن داڭقتى باپكەر بولات تۇرلىحانوۆتى ەسكە تۇسىرۋگە ارنالعان جارىسقا ءوز ەلىنىڭ ورەندەرىن باستاپ كەلگەن ايتۋلى مامان وسى تۋرنيردەن العان əسەرى جəنە بيىل كۇزدە نۇر-سۇلتاندا وتەتىن əلەم چەمپيوناتى جايىندا ءوز ويىمەن ءبولىستى.

– بيىل دا بولات تۇرلىحانوۆتىڭ كۋبوگىن اسا جوعارى دەڭگەيدە وتكىزگەن قازاقستانعا جəنە ازيا كۇرەس فەدەراتسياسىنىڭ پرەزيدەنتى، داڭقتى بالۋان دəۋلەت تۇرلىحانوۆقا ءوز ريزاشىلىعىمدى بىلدىرەمىن. وسىنداي ءبəسى بولەك بəسەكەگە قاتىسۋ بىزدەر ءۇشىن ۇلكەن مəرتەبە. الماتى بوز كىلەمىنە كىل مىقتىلار جينالعاندىقتار جارىستىڭ دəرەجەسى دە اسا جوعارى بولدى. بۇل ءتۋرنيردى قارت قۇرلىقتا ورنالاسقان بىرقاتار مەملەكەتتەر تاياۋ كۇندەرى وتەتىن ەۋروپا ويىندارىنا دايارلىق رەتىندە قاراستىرىلدى.

– گوگي مۋرمانوۆيچ، رەسەي قۇراماسى سوڭعى ءۇش جىلدا حالاقارالىق ارەنادا وراسان زور تابىسقا قول جەتكىزە الدى. سونىڭ سىرى نەدە؟

– كۇندەلىكتى قاجىرلى ەڭبەك. بارلىق سىرى وسى! كۇرەس تۇرلەرىندە بىزدە تاماشا ءدəستۇر بار، مەملەكەت بارىنشا قولداۋ كورسەتىپ وتىر، əر ايماقتا جۇمىس وڭدى جۇرگىزىلۋدە. ال ءبىز تەك ەل سەنىمىن اقتاۋىمىز كەرەك. بيىل كۇۇزدە قازاقستاننىڭ استاناسىندا وتەتىن əلەمدىك دودادا وليمپيادا جولدامالارى ساراپقا سالىنادى. ءبىزدىڭ ماقسات – وسى جارىستا بارىنشا مول ليتسەنزياعا يەلىك ەتۋ. راسىندا دا، قازىرگى كوماندامىز وتە قارۋلى. ۇلتتىق قۇراما ساپىندا ساقا سپورتشىلار دا، ءىرى جەڭىستەردى اڭساعان جالىندى جاستار دا بار. سول سەبەپتى دە العا قويعان جوسپاردى جۇزەگە اسىرامىز دەپ ويلايمىن.

 قازاقستان قۇراماسى جايىندا پىكىرىڭىز قانداي؟

– سىزدەردە مىقتى بالۋاندار اركەزدە كوپ بولعان. كسرو دəۋىرىندە قازاقستان كوشباسشى كوماندالاردىڭ قاتارىندا ءجۇردى. يə، سوڭعى 20 جىلدا التىنعا قول جەتكىزە الماي جۇرگەندەرىڭىز ماعان ءمəلىم. ساعان قاراماستان əر جارىستا جاقسى ناتيجە كورسەتىپ جۇرسىزدەر. كەلەشەكتە قازاق توپىراعىنان جاڭا ۇشكەمپىروۆتەر، تۇرلىحانوۆتار، مەلنيچەنكولار مەن بايسەيىتوۆتەردىڭ شىعاتىنىنا سەنىمدىمىن. ءوز جەرلەرىڭىزدە وتەتىن دودادا قازاقستاننىڭ سپورتشىلارى سəتسىزدىكتىڭ سەڭىن بۇزىپ، باس جۇلدە الۋىنا شىن جۇرەكتەن تىلەكتەسپىن.

سوڭعى جاڭالىقتار

ۇقساس جاڭالىقتار